އައްޑޫ ސިޓީ ކައުންސިލްގެ ސެކްރެޓަރީ ޖެނެރަލް މުހައްމަދު ޝުޖާއުގެ އިތުބާރު ނެތްކަމުގެ ވޯޓެއް ނަގައި އޭނާ މަޤާމުން ވަކިކުރުމަށް އައްޑޫ ސިޓީ ކައުންސިލުން ނިންމައިފިއެވެ.
ޝުޖާއު މަޤާމުުން ވަކިކޮށްލުމަށް ކައުންސިލްގެ 5 މެމްބަރުންގެ ސޮޔާއެކު ކުއްލި މައްސަލައެއް ވަނީ ކައުންސިލަށް ހުށަހަޅާފައެވެ. މިމައްސަލަ ހުށަހަޅާފައިވަނީ މަރަދޫ ދާއިރާގެ މެމްބަރު އަހުމަދު ނާދިރުއެވެ. ޝުޖާއުއަށް އިތުބާރު ނެތތްކަމަށް 6 މެމްބަރުުން ވޯޓު ދީފައިވާއިރު 5 މެމްބަރަކު ވަނީ ޝުޖާއު އާއި އެއްކޮޅަށް ވޯޓު ދީފައެވެ.
ނަމަވެސް އޭނާ މަޤާމުން ވަކިކުރަން ނިންމި ސަބަބެއް ހާމައެއް ނުކުރެއެވެ. އައްޑޫ ސިޓީ ކައުންސިލްގެ އެސްޖީކަމުގެ މަގާމަށް ޝުޖާއު އައްޔަން ކުރިތާ 4 މަސް ދުވަސް ނުވަނީސް އިތުބާރު ނެތްކަމަށް ވޯޓުން ފާސްވެ އޭނާ މަޤާމުުން ވަކިކޮށްލަން މިވަނީ ފާސްވެފައެވެ. ޝުޖާއު އެސްޖީއަކަށް އައްޔަން ކުރެވުނީ މިދިޔަ އަހަރު ޑިސެމްބަރ މަހު 8 ވަނަ ދުވަހުގައެވެ.
ޝުޖާ ވަކިކުރަން ކައުންސިލުން ނިންމުމުން ދެން އެ މައްސަލަ ހުށައަޅަންޖެހޭނީ ސިވިލް ސަރވިސް ކޮމިޝަނަށެވެ. އަދި ގާނޫނު އޮތްގޮތުން އޭނާ މަގާމުން ރަސްމީކޮށް ވަކި ކުރުމުގެ މަރުހަލާ ކުރިއަށް ގެންދާނީ ސިވިލް ސަރވިސް ކޮމިޝަނުންނެވެ.