އިޖުތިމާއީ މައްސަލަތަކުން އަރައިގަތުމަށް ޒުވަނުންނަށް އެހީތެރިވެދިނުމަށް ހުވަދޫ އެއިޑް އާއި ހޯޑެއްދޫ ކައުންސިލް އަދި މަޑަވެލީ އަންހެނުންގެ ތަރައްގީއަށް މަސައްކަތްކުރާ ކޮމިޓީން އެއްބަސްވުމެއްގައި ސޮއިކޮށްފިއެވެ.
ގދ ގެ ހަތަރު ރަށަކަށް އަމާޒުކޮށްގެން ހުވަދޫ އެއިޑް އިން ހިންގާ "ވަލްނަރަބަލް ޔޫތު ސަޕޯޓް"ގެ ދަށުން ހޯޑެއްދޫ އަދި މަޑަވެލީގައި ހިންގާ ހަރަކާތްތަކަށް އެއްބާރުލުންދީ އެހީތެރިކަން ފޯރުކޮށްދީ ގުޅިގެން މަސައްކަތް ކުރުމަށް ހޯޑެއްދޫ ކައުންސިލުން އަދި މަޑަވެލީ ޑަބްލިޔުޑީސީން މިވަނީ އެއްބަސްވުމެއްގައި ސޮއިކޮށްފައެވެ. މިފަދަ އެއްބަސްވުމެއްގައި ސޮއިކުރުމުގެ ބޭނުމަކީ އަމާން ވިލުންވެރި މުޖުތަމައެއް ބިނާކުރުމުގައި ޒުވާނުންނަށް ދިމާވާ މައްސަލަތަކުން އަރައިގަތުމަށް އެހީތެރިވެދިނުމެވެ.
މިއީ ޔޫ.އެސް އެއިޑްގެ އެހީގައި ޓްރާސްޕޭރެންސީ މޯލްޑިވްސްގެ ފަރާތުން ހިންގާ ’ "ޕްރޮމޯޓިން ރެޒީލިއަންސް އިން ދި މޯލްޑިވްސް (ޕްރައިމް)’ ޕްރޮޖެކްޓގެ ތެރެއިން ރާއްޖޭގެ މަދަނީ ޖަމްއިއްޔަތަކަށް ދޭ ދޭ ސަބްގްރާންޓުގެ ދަށުން ހިންގުމަށް ހަމަޖެހިފައިވާ ޕްރޮޖެކްޓެކެވެ.
މިޕރޮޖެކްޓުގެ ދަށުން ގދ އަތޮޅު ތިނަދޫ، މަޑަވެލި، ހޯޑެއްދޫ އަދި ނަޑެއްލާގެ ޒުވަނުންނަށް އަމަޒުކޮށް ލައިފް ސްކިލްސް، ކެރިއަރ ގައިޑެންސް، ސައިކޯ ސޯޝަލް ސަޕޯޓް ފަދަ ޕްރޮގްރާމްތަކުގެ އިތުރުން މިފަދަ ޕްރޮގްރާމްތައް ހިންގުމަށް މަދަނީ ޖަމްއިއްޔާތަކާއި ކައުންސިލް، ކޮމިޔުނިޓީ ސެންޓަރ، އަދި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ ގާބިލުކަން އިތުރުކުރުމުގެ ޕްރޮގްރާމްތައް ހިންގުމަށް ހަމަޖެހިފައިވާ ކަމަށް ހުވަދޫއެއިޑް އިން ވަނީ މައުލޫމާތު ދީފައެވެ.
މީގެއިތުރުން ކަންކަން ނިންމުމުގައި ޒުވަނުންނާއި މުޖުތަމައުގެ ބައިވެރިވުން އިތުރުކުރުމަށް ހޭލުންތެރިކަމުގެ ޕްރޮގްރާމްތައް ހިންގުމާއި އެކު ޒުވާނުންނަށް އަމާޒުކޮށް ޔޫތު ކޭމްޕް ބާއްވައި، ޒުވަނުންގެ ކުޅިވަރު ހަރަކާތްތަކަށް އެހީތެރިވެދިނުމާއި ޒުވަނުންނަށް ޓެކްނިކަލް ވޮކޭޝަނަލް އެޑިޔުކޭޝަން ޕްރޮގްރާމެއް ހިންގޭނެކަމަށް ހުވަދޫ އެއިޑުން ވަނީ ހާމަކޮށްފައެވެ.
މިމަޝްރޫއު ހިންގުމަށް އެއްބާރުލުން ދިނުމުގެ ގޮތުން ގދ. ތިނަދޫ އަދި ނަޑެއްލާގެ މުއައްސަސާތަކާއި އެކުވެސް އެމް.އޯ.ޔޫ އެއްގައި ސޮއިކުރުމުގެ ކަންކަން މަސަކަތް ދަނީ ކުރެވެމުންނެވެ.
ހުވަދޫ އެޑަކީ މީގެ ކުރިންވެސް ޒުވާނުންނަށް އަމާޒުކޮށް މިފަދަ މަޝްރޫއުތަކެއް ހިންގާފައިވާ، އަދި ރާއްޖޭގެ ހަރަކާތްތެރި ޖަމްއިއްޔަތަކުން ޖަމްއިއްޔާއެއްކަން ފަހަގަކުރެވެއެވެ.