އައްޑޫ ސިޓީގެ ގަން އިންޓަރނޭޝަނަލް އެއަރޕޯރޓް ތަރައްޤީ ކުރުމުގެ މަޝްރޫއަށް ކޮންޓްރެކްޓަރުން ޕްރީކޮލިފައި ކުރުމުގެ މަސައްކަތް ފަށައިފިއެވެ.
ގަން އިންޓަނޭޝަނަލް އެއަރޕޯޓުން އަހަރަކު 1.5 މިލިއަން ފަސިންޖަރުންނަށް ޚިދުމަތް ދެވޭވަރުގެ ޒަމާނީ ވަސީލަތްތަކާ އެކުގައި ޕެސެންޖަރ ޓަރމިނަލް ތަރައްގީކޮށް، އާ ކޮންޓްރޯލް ޓަވަރަކާއި ފަޔަރ ސްޓޭޝަން އިމާރާތް ކުރުމަށް އިންޑިޔާގެ އެގްޒިމް ބެންކުގެ ފަރާތުން ލޯނުގެ އެހީ ވަނީ ހަމަޖެހިފައެވެ.
މިމަޝްރޫޢޫގެ ދަށުން އެއަޕޯޓަށް ބޭނުންވާ ކޯލްޑް ސްޓޯރޭޖާއިެކު ކާގޯ ވަސީލަތްތައް ތަރައްގީ ކުރެވިގެން ދާނެއެވެ. އަދި އެއަރޕޯޓުގެ މަގުތައް ތަރައްޤީކޮށް ޕާރކިންގ ސަރަޙައްދެއްވެސް ތަރައްގީ ކުރެވޭނެއެވެ.
ރާއްޖޭގެ ދެކުނުގެ އަތޮޅުތައް ތަރައްޤީކޮށް އިޤްތިސާދު ފުޅާކުރުމަށް މިސަރުކާރުން ގެންގުޅުއްވާ ސިޔާސަތުތައް ތަންފީޒުކުރުމަށް ގަން އިންޓަރނޭޝަނަލް އެއަރޕޯޓް ބޮޑު ރޯލެއް ކުޅެއެވެ. އެހެންކަމުން ގަން އިންޓަރނޭޝަނަލް އެއަރޕޯޓްގެ އަމަލީ މަސައްކަތް މިއަހަރު ފަހުކޮޅު ފެށިގެންދާނެ ކަމަށް އިކޮނޮމިކް މިނިސްޓްރީން ވަނީ ވިދާޅުވެފައެވެ.