އިންޑޮނޭޝިޔާގައި ބޭއްވުނު ގްލޯބަލް ޕްލެޓްފޯމް ފޯރ ޑިޒާސްޓަރ ރިޑަކްޝަން މަހާސިންތާގައި ހުވަދޫ އެއިޑުން ބައިވެރިވެއްޖެއެވެ.
މިއީ ޔުނައިޓެޑް ނޭޝަންސް ފޮރ ޑިޒާސްޓރަ ރިކްސްކު ރިޑަކްޝަންއާއި އިންޑޮނޭޝިޔާ ސަރުކާރު ގުޅިގެން އިންޑޮނޭޝިޔާގެ ބާލީގައި މިމަހު 23 އިން 28 ކުރިއަށް ގެންދިޔަ މަހާސިންތާއެކެވެ. މި މަހާސިންތާގައި ހުވަދޫ އެއިޑްގެ ފަރާތުން ބައިވެރިވެފައިވަނީ، އެ ޖަމިއްޔާގެ ޗީފް އެޑްވައިޒަރ އިމާދު މުހައްމަދުއެވެ.
މިމަހާސިންތާގައި، އިމާދު ބައިވެރި ވެފައިވަނީ ގްލޯބަލް ނެޓްވޯކް ފޮރ ސީ.އެސް.އޯސް ފޮރ ޑިޒާސްޓަރ ރިޑްކްޝަންގެ އެހީތެރިކަމާއި އެކުއެވެ. އިމާދަކީ އެޖަމްއިއްޔާގެ ސައުތު އޭޝިޔާ އެޑްވައިޒަރީ ގްރޫޕްގެ މެންބަރެކެވެ. އަދި ހުވަދޫ އެއިޑަކީ އެޖަމްއިއްޔާގެ ރާއްޖޭގެ ފޯކަލް ޕޮއިންޓެވެ.
ހުވަދޫ އެއިޑުން މައުލޫމާތު ދީފައިވާ ގޮތުގައި، މިމަހާސިންތާގެ ތެރެއިން ޕާޓްނާޝިޕް ކެޕޭސިޓީ ފޮރ ޑިޒާސްޓަރ ރިސްކް ރިޑަކްޝަން އިނީޝިއޭޓިވްގެ ފަރާތުން “އަ ޑަޔަލޮގް އޮން ލީވިންގ ނޯވަން ބިހައިންޑް އިންދަ ފޭސް އޮފް ޑިޒާސްޓަރ ރިސްކު” ގެ ނަމުގައި ބޭއްވި ސައިޑް އިވެންޓްގެ ޕެނަލިސްޓެއްގެ ގޮތުގައިވެސް އިމާދު ވަނީ ބައިވެރިވެ ރާއްޖޭގެ ހާލަތާއި ގުޅޭގޮތުން ވާހަކަ ދައްކަވާފައެވެ.
މި މަހާސިންތާގެ ހަވާސާގައި، ޔޫ.އެން.ޖެނެރަލް އެސެމްބްލީގެ ރައީސް، އަދި ރާއްޖޭގެ ފޮރިން މިނިސްޓަރ އަބްދުﷲ ޝާހިދާއި ބައްދަލުކުރައްވައި، ހުވަދޫ އެއިޑްގެ ފަރާތުން ހިންގާ އެކިއެކި ހަރަކާތްތަކާއި ގުޅޭގޮތުން ވަނީ ޝަހިދާއި މަޝްވަރާ ކުރައްވާފައެވެ.
