ކުޑަ ފިރިހެން ކުއްޖަކަށް ޖިންސީގޯނާކުރި މައްސަލައެއްގައި މާލޭ ސްކޫލެއްގެ ޓީޗަރަކު ހައްޔަރުކޮށްފިއެވެ.
ފުލުހުންގެ މީޑީޔާ އޮފިޝަލް ވިދާޅުވީ މާލޭ ސްކޫލެއްގެ ލީޑިންގ ޓީޗަރަކު އެސްކޫލްގައި ކިޔަވަމުންދާ އުމުރުން 15 އަހަރުގެ ކުޑަ ފިރިހެންކުއްޖަކަށް ޖިންސީ ގޯނާ ކުރި މައްސަލައެއް ފުލުހުންނަށް ހުށަހެޅިފައިވާ ކަމަށާއި މިމައްސަލާގައި އުމުރުން 52 އަހަރުގެ އިންޑިޔާ ޓީޗަރަކު ހައްޔަރުކުރެވުނު ކަމަށެވެ. ހައްޔަރުކުރެވިފައިވަނީ ބިދޭސީ ފިރިހެން ޓީޗަރެކެވެ.
އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ވަނީ ޝަރީއަތް ނިމެންދެން ބަންދުގައި ބެހެއްޓުމަށް އަމުރުކޮށްފައެވެ.
މިހާރަކަށް އައިސް ރާއްޖޭގައި އެއް ޖިންސުގެ ގުޅުން ހިންގާ މައްސަލަތައް އަންނަނީ ފެންމަތިވަމުންނެވެ. މިފަދަ މައްސަލައެއްގައި ބިދޭސީއެއް ކަމަށްވާ އަލަމްގިރި ދާދި ފަހުން ވަނީ ހައްޔަރުކުރެވިފައެވެ. މީގެއިތުރުން 2020 ވަނަ އަހަރުން ފެށިގެން އުމުރުން 14 އަހަރުގެ ފިރިހެން ކުއްޖަކަށް ޓިއުޝަން ނަގައިދިން އިންޑިއާ ޓީޗަރަކު އެކުއްޖާއަށް ޖިންސީ ގޯނާކުރި މައްސަލައެއް ފެންމަތިވުމާއި ގުޅިގެން ރާއްޖެ ދޫކޮށް ވަނީ ފިލައިގެން ގޮސްފައެވެ.