ހިލޭ ޓްރާންސްފާއެއްގެ ދަށުން ޑެންމާކްގެ މިޑްފީލްޑަރު ކްރިސްޓިއަން އެރިކްސަން، މެންޗެސްޓާ ޔުނައިޓެޑަށް ސޮއިކޮށްފިއެވެ.
އެރިކްސަން، ޔުނައިޓެޑާ ރަސްމީކޮށް ގުޅުނީ ތިން އަހަރުގެ ކޮންޓްރެކްޓެއްގައެވެ. އެރިކްސަންގެ ކޮންޓްރެކްޓް ހަމަވާނީ 2025 ވަނަ އަހަރުގެ ޖޫން މަހުގެ ނިޔަލަށެވެ. އެރިކްސަން މީގެކުރިން ވަނީ އަޔެކްސް، ޓޮޓްނަމް ހޮޓްސްޕަރ، އިންޓަރ މިލާނަށް ކުޅެފައެވެ.
އެރިކްސަން ހާމަކުރިގޮތުގައި އޭނާ އަދިވެސް ހާސިލް ކުރަން ބޭނުންވާ ކަންތައްތަކެއް އެބަހުރި ކަމަށެވެ. އަދި އޭނާއަށް ހާސިލް ކުރެވިދާނެ ގިނަ ކަންތައްތަކެއް ހުރިކަން އޭނާއަށް އެނގޭކަމަށެވެ. އަދި އެހެން ކަމުން އޭނާގެ މިދަތުރު ފުރިހަމަ ކުރަން މިއި ރަނގަޅު ޓީމެއް ކަމަށެވެ. އޭނާ ހާމަކުރިގޮތުގައި ޔުނައިޓެޑަކީ ހާއްސަ ޓީމެއް ކަމަށާއި އެކްލަބާއި އެކު މަސައްކަތް ފަށަށް ކެތް މަދުވެފައިވާކަމަށެވެ.
އެރިކްސަންވަނީ މިމަސް ފެށުން ތަނާހެން ޔުނައިޓެޑަށް ސޮއިކުރުމަށް އެއްބަސްވެފައެވެ. އަދި މިއީ އާސީޒަނަށް ޔުނައިޓެޑުން ސޮއިކުރި ދެވަނަ ކުޅުންތެރިޔާއެވެ. މިއީ އޭނާއަށް ޔޫރޯ 2020ގައި ދަނޑުމަތީ ދިމާވި ނުރައްކާތެރި ހިތުގެ މައްސަލައަށް ފަހު ބޮޑު ޓީމަކުން ފެނިގެންދާ ފުރަތަމަ ފަހަރެވެ. އޭނާ މިފަހަރު ހޯދުމަށް އޭނާ ކުރިން ކުޅުނު ސްޕަރސްއިންވެސް މަސައްކަތް ކުރިއެވެ. ނަމަވެސް އެންމެ ފަހު ވަގުތު ޔުނައިޓެޑަށް ބަދަލުވާން ނިންމީ ކަމަށެވެ.
ކުރިން ޓޮޓެންހަމް ހޮޓްސްޕާސް އަށް ވެސް ކުޅުނު އެރިކްސަން ވަނީ އެ ޓީމާއި ބްރެންޓްފޯޑާ އެކު މުޅި ޖުމްލަ، 237 މެޗު، އިނގިރޭސި ޕްރިމިއާ ލީގުގައި ކުޅެ، 52 ގޯލު ޖަހައި، 71 ގޯލު ޖަހަން ފުރުސަތު ތަނަވަސްކޮށްދީފައެވެ. ޑެންމާކް ގައުމީ ޓީމުގެ ވެސް މުހިންމު ކުޅުންތެރިއެއްގެ ގޮތުގައި ހުރި އެރިކްސަން، ވަނި ޑެންމާކަށް ކުޅުނު 115 މެޗުން 38 ގޯލު އެ ޓީމަށް ޖަހައިދީފައެވެ.