އެސްޓީއޯ ޕީޕަލްސް ޗޮއިސްއިން މިއަދު ފެށިގެން ކޮތަޅުން އަގު ނަގަން ނިންމައިފިއެވެ.
ކޮތަޅުން އަގެއް ނަގަން ނިންމާ އެސްޓީއޯއިން ވަނީ އެކަން މީގެ ހަފްތާއެއް ކުރިން އިއުލާނުކޮށްފައެވެ.
އެސްޓިއޯއިން ބުނެފައިވާ ގޮތުގައި، މިއީ ތިމާވެއްޓާއި ރައްޓެހި އާދަތަކަށް އަހުލުވެރި ކުރުމާއި، ޕްލާސްޓިކް ކޮތަޅު ގެންގުޅުން މަދުކުރުމަށް ހިތްވަރު ދިނުމުގެ ގޮތުން ގެންނަ ބަދަލެއް ކަމުގައެވެ.
އެސްޓޯއިން ހާމަ ކޮށްފައިވާ ގޮތަކީ، ޕީޕަލްސް ޗޮއިސްއިން ވިޔަފާރި ކުރާތަކުން ވިޔަފާރި ކުރަން ދާއިރު، ތިމާވެއްޓާއި ރައްޓެހި ކޮތަޅުތައް ހިފައިގެން ވިޔަފާރު ކުރަން ދިއުމަކީ އެންމެ އެދެވޭ ގޮތް ކަމަށާއި، ކޮތަޅު ކޮތަޅު ނުލާ ވިޔަފާރިކުރަން ދާ ފަރާތްތަކަށް ދެން ޖެހޭނީ ކޮތަޅު ގަންނަން ކަމުގައެވެ.
މިގޮތުން ކަރުދާސް ކޮތަޅެއް 2 ރުފިޔާއަށް ވިއްކުމަށް ހަމަޖެހިފައި ވާއިރު، ޕްލާސްޓިކް ކޮތަޅެއް ވިއްކުމަށް ހަމަޖެހިފައިވަނީ 2 ރުފިޔާ 50 ލާރިއަށެވެ.