ދިވެހިރާއްޖޭގެ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުއާއި އެކު ކައިވެނީގެ ބޭރުން ގުޅުން ހިންގި ކަމަށް ރާއްޖޭގެ ކުރީގެ ރައީސް އަދި މަޖިލީހުގެ ރައީސް މުހައްމަދު ނަޝީދު ތުހުމަތުކުރާ އަންހެން ކުއްޖާ ކުއްލިއަކަށް ޓްވިޓާއިން ގެއްލިއްޖެއެވެ.
ރައީސް ނަޝީދު ވިދާޅުވެފައިވަނީ ރައީސް ސޯލިހު އަންހެން ކުއްޖާއެކު ބަދުއަޚުލާޤީ އަމަލު ހިންގާ މަންޒަރު ފެންނަ ހަތަރު ފޮޓޯ އެމަނިކުފާނަށް ލިބިވަޑައިގެންފައިވާ ކަމަށާއި އެއަންހެން ކުއްޖާއަކީ އާއިލީ ރަހުމަތްތެރިއެއްގެ ދަރިއެއް ކަމަށް ބެލެވޭ ކަމަށެވެ.
މިވާހަކަތައް ޓްވިޓާގައި ދައުރުވަމުން ދިޔުމާއި ގުޅިގެން ތުހުމަތު ކުރާ އަންހެން ކުއްޖާ ވަނީ އޭނަގެ އެކައުންޓުގައި ހުރި ރައީސް ސޯލިހުގެ ފޮޓޯތައް ޑިލީޓުކޮށްލާ އެކައުންޓުވެސް ޑިއެކްޓިވޭޓުކޮށްފައެވެ.
މާލޭގެ މަޝްހޫރު އާއިލާއަކަށް ނިސްބަތްވާ ނާޒިޔާ ނަމަކަށް ކިޔާ މިއަންހެން ކުއްޖާގެ ޓްވިޓާ އެކައުންޓް ޑީއެކްޓިވޭޓް ކުރީ ރައީސް ނަޝީދުގެ ތުހުމަތްތަކާއި ގުޅިގެން ކަމަށް ގިނަ ބަޔަކު ދަނީ ބުނަމުންނެވެ. ނަޝީދު ވިދާޅުވެފައިވަނީ އެއަންހެންކުއްޖާއަކީ ރައީސް ސޯލިހުއާއި މަޖިލިސް ރައީސް މުހައްމަދު ނަޝީދުގެ އާއިލާ އާއި ގުޅުން އޮންނަ އަންހެނެއް ކަމަށެވެ.
އެހެންކަމުން ނަޝީދު އެ ވިދާޅުވާ އަންހެނަކީ ނާޒިޔާ ކަމަށް ކަމުގެ ހަގީގަތް އެނގޭ މީހުން ދަނީ ބުނަމުންނެވެ.
އެހެންނަމަވެސް ނާޒިޔާ ބުނަމުންދަނީ އޭނަގެ މައްޗަށް ކުރަމުން ގެންދަނީ ދޮގު ތުހުމަތްތަކެއް ކަމަށާއި އެފަދަ ކަމެއް ދުވަހަކުވެސް ކޮށްފައިނުވާނެ ކަމުގެ ހެކި އެބަހުރި ކަމަށެވެ.
ނާޒިޔާ ޓްވީޓާއިން ގެއްލުމާ އެކު އޭނާއަށް ކުރެވޭ ތުހުމަތުތަކަށް އިތުރު ބާރެއް ލިބިގެންދާނެ ކަމަށް ބެލެވެއެވެ.
މީގެ ކުރިން ނާޒިޔާއާ ކުރީގެ ނައިބު ރައީސެއްގެ އިތުރުން ޕޮލިސް އޭސީޕީ އަކާ ވެސް ގުޅުން އޮތްކަން “މެންދުރު އޮންލައިން” އިން ވަނީ ކަށަވަރުކޮށްފައެވެ.
އެހެންނަމަވެސް ނާޒިޔާގެ މައްޗަށް ކުރެވޭ ތުހުމަތްތައް ސާބިތު ކުރެވޭނެ އެއްވެސް ހެއްކެއް މިހާތަނަށް ހާމަކޮށްފައިނުވެއެވެ.