މާލެ އާއި ރަށްރަށުގައި ވެސް އެއް ރޭޓަކުން ވިޔަފާރިތަކަށް ކަރަންޓު ބިލު ކުރަން ގޮވާލައި ގަރާރެއް ރައްޔިތުންގެ މަޖިލީހަށް ހުށަހަޅައިފިއެވެ.
ތޮއްޑޫ ދާއިރާގެ މެމްބަރު ހަސަން ޝިޔާން ހުށަހެޅި މިބިލުގައި ބުނެފައިވަނީ އަތޮޅުތެރޭ ރަށްރަށުގެ ވިޔަފާރިތަކަށް ބޮޑެތި ކަރަންޓު ބިލްތައް ލިބެމުންދާތީ އެކަމުގެ ޝަކުވާ ރަށްރަށުގެ ވިޔަފާރިވެރިން ކުރަމުން ގެންދާ ކަމަށެވެ.
މިޤަރާރު ހުށަހަޅަމުން ޝިޔާން ވިދާޅުވީ ސްޓެލްކޯއިން ކަރަންޓުގެ ހިދުމަތްދޭ އއ، އދ، ކ އަދި ވ. އަތޮޅުގެ ރަށްތަކާއި އަދި ފެނަކައިން ހިދުމަތް ދޭ ރަށްތަކުގައި ވިޔަފާރިތަކަށް ކަރަންޓު ބިލުކުރާ ވަރު ވަރަށް ބޮޑު ކަމަށެވެ. އެހެންކަމުން އެ ސަރަހައްދުގެ ގެސްޓް ހައުސްތަކާއި ޑައިވް ސެންޓަރުތަކާއި އަދި ހޮޓާ ރެސްޓޯރެންޓްތއް ހިންގާ ފަރާތްތަކުން ދަނީ އޭގެ ޝަކުވާ ކުރަމުންދާ ކަމަށް ޝިޔާން ވަނީ ވިދާޅުވެފައެވެ.
މީގެ އިތުރުން ކަރަންޓު ބިލް ބޮޑޫވުުމުން ފައިދާވާނެ ވަރަށް ފައިސާ ނުުހުންނަ ކަމަށާއި އަދި ވިޔަފާރިތައް ހިންގަނީ ގެއްލުމުގައި ކަމަށް ޝިޔާން ވަނީ ވިދާޅުވެފައެވެ.
ކަންމިހެން އޮތުމާއެކު މާލޭ އާ އެއް ރޭޓަކުން ރަށްތަކުގައިވެސް ކަރަންޓު ބިލް ކުރުމަށް ޝިޔާން ވަނީ ގޮވާލާފައެވެ. އަދި ރޭޓްތައް އެއްވަރު ނުކުރެވޭނަމަ ކުދި ވިޔަފާރިތަކަށް ޓެކްސްގެ ލުއި ފަސޭހައެއް ދިނުމަށް ވެސް މިބިލުގައި ވަނީ ހުށަހަޅާފައެވެ.