އެންމެ ފަހުގެ ޒަމާނީ ވަސީލަތް ތަކާ އެކު އިވެންޓްތައް ލައިވްކޮށް ކަވަރ ކުރުމަށް ހުވަދު އަތޮޅުގައި ހަރަކާތްތެރިވާ އަމިއްލަ ކުންފުންޏެއް ކަމުގައިވާ އިވެންޓް ކާސްޓް މޯލްޑިވްސް އިން ބޮޑެތި ބަދަލު ތަކަކާއި އެކު ބަދަލަކާ އެކު އެސްޓީއޯ މަކިޓާ 13ވަނަ ޖޫނިއަރ އެތްލެޓިކްސް ޗެމްޕިއަންޝިޕް 2022، މުބާރާތްގެ ހުރިހާ އިވެންޓެއް ލައިވް ކޮށް ކަވަރ ކުރުމަށް ތައްޔާރު ވެއްޖެއެވެ.
މޯލްޑިވްސް އެތުލެޓިކްސް އެސޯސިއޭޝަންގެ ފަރާތުން މުޅި ރާއްޖެއަށް ހުޅުވާލައިގެން ގދ ތިނަދޫ ސްޓޭޑިއަމް ގައި މިރޭ8:30 ގައި ފެށުމަށް ހަމަޖެހިފައިވާ އެތުލެޓިކްސް މުބާރާތްތުގެ ހުޅުވުމުގެ ރަސްމިއްޔާތާއި އެކު ހުރިހާ ދުވަހެއްގެ މާދަމާ ހެނދުނާއި ހަވީރު އަދި ރޭގަނޑުގެ އިވެންޓްތައް ވެސް މުބާރާތް ނިމެންދެން އިވެންޓު ކާސްޓް އިން ތިނަދޫ ކައުންސިލްގެ ފޭސްބުކް ޕޭޖް މެދުވެރިކޮށް ކުރިޔަށް ގެންދާނެއެވެ.
ހުވަދޫ ނިއުސް އަށް މައުލޫމާތު ދެއްވަމުން އިވެންޓް ކާސްޓް މޯލްޑިވްސް ގެ ފައުންޑަަރ މުހައްމަދު ޔާސިރު މިހާރު ވިދާޅުވީ މިރޭ ފެށުމަށް ހަމަޖެހިފައިވާ އެތުލެޓިކްސް ޗެމްޕިއަންޝިޕް 2022 ލައިވް ކުރުމަށް ހަމަޖެހުނީ ވަރަށް ވަގުތު ކުޑަތަން ވެފައި ވަނިކޮށް ކަމަށާއި އެހެން ނަމަވެސް މިފަދަ މުބާރާތެއް ކަވަރ ކުރުމަށް ބޭނުންވާ މުހިންމު ވަސީލަތްތަކާއެކު މިހާރު ވަނީ ތައްޔާރު ވެފައި ކަމަށެވެ.
އިވެންޓް ކާސްޓް އިން ފުޅާ ދާއިރާއެއްގައި އެތުލެޓިކްސް ޗެމްޕިއަންޝިޕް 2022 ގެ ހުރިހާ އިވެންޓެއް ލައިވް ކުރުމަށް ކުރާ މަސައްކަތް ވެގެން ދާނީ ދިވެހި ތާރީޚުގައި ގިނަ ދުވަހަށް ހިންގާ މިހާ ބޮޑު މުބާރާތެއްގެ ހުރިހާ އިވެންޓެއް ލައިވް ކުރާ ފުރަތަމަ ފަހަރަށެވެ.
ގދ ތިނަދޫ ކައުންސިލުން އިންތިޒާމް ކޮށް ހިންގާ މި މުބާރާތަށް އިވެންޓް ކާސްޓް ނުކުންނަ އިރު އެ ކުންފުނިން ކުރިން ބޭނުން ކުރަމުން އައި ލޯގޯ ވެސް ވަނީ ރީ ބްރޭންޑް ކޮށްފައެވެ.
އެސްޓީއޯ މަކިޓާ 13ވަނަ ޖޫނިއަރ އެތްލެޓިކްސް ޗެމްޕިއަންޝިޕް 2022، މުބާރާތް މިރޭ ފެށިގެންދާނެ
ގދ ތިނަދޫ އިން ވަރަށް ކުލަ ގަދަ ކޮށް ކުރިޔަށް ގެންދިއުމަށް މަސައްކަތް ކުރަމުންދާ އެތުލެޓިކްސް އެސޯސިއޭޝަން އޮފް މޯލްޑިވްސް 13 ވަނަ މުބާރާތުގައި 36 ޓީމެއް ވަނީ ބައިވެރިވެފައެވެ. މި މުބާރާތަށް ތިނަދޫ ސްޓޭޑިއަމް ވަނީ ވަރަށް ބޮޑަށް ތައްޔާރު ކޮއްފައެވެ.