މިހިނގާ ނޮވެމްބަރު މަހުގެ 1 ވަނަ ދުވަހު މޯލްޑިވްސް ކޮންޓްރެކްޓިންގ ކޮމްޕެނީ ( އެމްޓީސީސީ) އާއި ޙަވާލު ކޮށްގެން ސަރުކާރުން ފެށި ތިނަދޫ އިންޑަސްޓްރިއަލް ޒޯން ގެ ބިން ހިއްކައި އެ ޒޯނު ތަރައްޤީ ކުރުމަށް ބޭނުންވާ ފެންވަރަށް ޙާލަތަށް ތަން ތައްޔާރު ކުރުމަށް ފެށި މަޝްރޫޢު އަކީ ތިނަދޫ އަށް ލިބިގެން ދާން ވަރަށް ބޮޑު ތަރައްޤީ އެކެވެ. ސަރުކާރުން ތިނަދޫ ގެ އިރުމަތީ ފަޅުތެރޭގައި 10.6 ހެކްޓަރު ގެ ބިމެއް ހިއްކަން ހަމަޖެއްސައި ތިނަދޫ ކައުނަސިލާއި ކުރެހުން ހިއްސާ ކުރުމުން ފުރަތަމަ އެ ކުރެހުން އޮތް ގޮތަށް މަޝްރޫޢު ކުރިއަށް ގެންދިއުމަށް އެއްބަސްނުވެ ބަދަލު ތަކެއް ގެނައުން މުހިންމު ކަމަށް ސަރުކާރުގައި އެދުނެވެ. އުނދަގޫ ތަކަކާއި ޚިޔާލު ތަފާތުވުން ތަކަކާއި އެކު ވެސް ސަރުކާރުން އެ ކުރެހުން ބަލައިގަތެވެ. އަދި ތިނަދޫ ކައުނަސިލްގެ ވިސްނުން ތަކާ އެއްގޮތަށް މަޝްރޫޢު ގެ ޢަމަލީ މަސައްކަތް ފެއްޓިއެވެ.
ތިނަދޫ އިންޑަސްޓްރިއަލް ޒޯން ގެ ބިން ހިއްކައި އެ ޒޯނު ތަރައްޤީ ކުރާނެގޮތުގެ ކުރެހުން
މި މަޝްރޫޢު އާއި ބެހޭ ގޮތުން ހުވަދޫ އަށް މަޢުލޫމާތު ދެއްވަމުން ގދ ތިނަދޫ ކައުންސިލްގެ ރައީސް ސަޢުދު އަލީ އިއްޔެ ވިދާޅުވީ ގދތިނަދޫ ގައި ހަދާ އިންޑަސްޓްރިއަލް ޒޯނަށް ކައުންސިލް ގެ ފަރާތުން ގެނައި ބަދަލަ ކީގޭ ސްޕްލާންޓްގެ ބޭރުން އެ ޒޯނަށް ނޫނީ ވިލެޖަށް ދިއުމަށް ބޭނުންވާމަގު ގާއިމްކޮށް ފަޅުތެރޭގެ އޮއިވަރު ދެމޭގޮތަށް ގުޅާލުމާއި ބޭރުން އަންނަ ބޯޓުތައް ކަނޑާވީ ފަރާތުން ސީދާ ޖެޓީއަށް ކައިރި ކުރެވޭގޮތަށް ބޭރު ޝީޓްޕައިލް ކުރަން ކޮންސެޕްޓް ކުރެހުން ކަމަށެވެ.
ތިނަދޫ ރައީސް ސައުދު ޢަލީ އިތުރަށް ވިދާޅުވީ މި ތަނުގައި ކުރުމަށް ހަމަޖެހިފައި ވަނީ ޕޯޓުގެ އިތުރުން އިންޑަސްޓްރިއަލް ބޮޑުމަސައްކަތްތައް ހިންގުން ކަމަށާއި ތިނަދޫ އިންޑަސްޓްރިއަލް ޒޯންގެ ސަބަބުން ރަށުގެ ނުވަތަ ރައްޔިތުންގެ ވިޔަފާރިތައް ފުޅާކޮށް ވަޒީގެ ބާޒާރަށް ފުރުސަތު ބޮޑުވެ ކުދި އަދި މެދުފަންތީގެ ވިޔަފާރިތައް އިތުރު ވެ ހުވަދު އަތޮޅުގެ އިގްތިސާދަށް ވަރަށް ބޮޑު ހެޔޮ ބަދަލު އަންނާނެ ކަމަށެވެ. އަދި މިހާރު ތިނަދޫ ދެކުނު ބަނދަރު ސަރަހައްދު ޖެޓީ ކައިރީގައި ހަދަމުން ދިޔަޕޯ ޕޯޓް އިންޑަސްޓްރިއަލް ޒޯނަށް ބަދަލު ކުރުމުން ކުރިން ހެދި ތަނާ މެދު ކައުންސިލް ގެ ވިސްނުމަކީ ކުރިން ޕޯޓު ބިމާއި ބަނދަރު ވިޔަފާރި މުދާ ބޭލުމަށް ބޭނުންކޮށް މިހާރު ބޭނުން ވިޔަފާރި ޖެޓީއަށް ބޭނުން ކުރާ ޖެޓީ އިން އެހެން ބޭނުންތަކަށް ޖާގަ ދިނުން ކަމަށް ވެސް ސައުދު ވިދާޅުވިއެވެ.
ތިނަދޫ ކައުންސިލްގެ ރައީސް ސައުދު އަލީ
ހުވަދޫ އަށް ދިން ބަސްދީ ގަތުމުގައި ތިނަދޫ ކައުނަސިލްގެ ރައީސް ސަޢުދު އަލީ ވިދާޅުވީ ތިނަދޫ ގައި ތަރައްޤީ ކުރާ އިންޑަސްޓްރިއަލް ޒޯން ކޮންސަލްޓަކީ ކައުންސިލުން ބޭނުންވާ ގޮތަށް ކޮންސެޕްޓް ތައްޔާރުކޮށް މިނިސްޓްރީއަށް ހުށަހެޅުމުން ޓެކްނިކަލް އެކްސްޕަރޓުންގެ އެހީތެރިކަމާ މަޖްލިސް މެމްބަރުންގެ އެހީތެރިކަމާއެކު ކޮންސެޕްޓް ފައިނަލްވެގެން ސަރުކާރުން ހިންގާ މަޝްރޫޢު އެއް ކަމަށެވެ.