ގއ ދާންދޫ ނެރުބައްތި ނުދިއްލޭތާ ތިން އަހަރު ފަހުން އެރަށުގެ ނެރުބައްތި ބަދަލުކޮށް ދިއްލޭ ގޮތް ހަދައިފިއެވެ.
ގއ ދާންދޫ ކައުންސިލްގެ ރައީސް މުހައްމަދު އާސިފް “ހުވަދޫ ނިއުސް” އަށް މައުލޫމާތުދެއްވަމުން ވިދާޅުވީ، އެރަށުގެ ނެރުބައްތި ނުދިއްލޭތާ 3 އަހަރު ވެފައިވާއިރު އެކަމުގެ ސަބަބުން ދަތުރުފަތުރު ކުރާ ފަރާތްތަކުގެ ގިނަ ޝަކުވާތަކެއް އަބަދުވެސް ލިބެމުންދާ ކަމަށެވެ.
އެކަމުގެ ހައްލެއް ހޯދުމުގެ ގޮތުން ކައުންސިލުން ޓްރާންސްޕޯޓް މިނިސްޓްރީގައި އެދިގެން ނެރުބައްތިތައް މިކޮޅަށް ލިބުނީމަ މިހާރު މިވަނީ ބައްތިތައް ހަރުކުރެވި ދިއްލޭނެ ގޮތް ހަދާފަ: ގއ.ދާންދޫ ކައުންސިލްގެ ރައީސް މުހައްމަދު އާސިފް
އެރަށުގެ ނެރުގައި 4 ބައްތި ހުންނައިރު އާސިފް ވިދާޅުވިގޮތުގައި އެތަނުން ފެހި ކުލައިގެ ދެ ނެރުބައްތި ނުދިއްލޭތާ 3 އަހަރު ވެފައިވާއިރު އަނެއް ދެބައްތިވެސް ހަލާކުވެފައި ހުންނަތާ ގިނަ ދުވަސްތަކެއް ވެފައިވާ ކަމަށެވެ.
އާސިފް އިތުރަށް ވިދާޅުވީ، ބައްތި ހަރުކުރުމުގައި އެރަށުގެ ރައްޔިތުންގެ އެއްބާރުލުން ލިބިފައިވާ ކަމަށާއި، އެފަރާތްތަކަށް ވަރަށް ހާއްސަ ޝުކުރެއް އަދާކުރައްވާ ކަމުގައެވެ.