ޑީކޯވެގެން ތިނަދޫ ގައި ހުންނަ ޑރ އަބަދުއްސަމަދު މެމޯރިއަލް ހޮސްޕިޓަލަށއ ގެންދިޔަ ގއ ކޮނޑޭ/ވިނަރެސް، އަހުމަދު ސައީދުގެ ހާލު އިތުރަށް ގޯސްވީ ތިނަދޫ ހޮސްޕިޓަލަށް ފަރުވާ ކުޑަ ކުރީމާ ކަމަށް ރައްޔިތުންގެމަޖިލީސްގެ މަޑަވެލި ދާއިރާގެ މެންބަރު ހުސައިން ފިރުޝާން ތުހުމަތު ކުރައްވައިފިއެވެ.
މެމްބަރު ފިރުޝާން ކުރެއްވި ޓުވިޓެއްގައި ވިދާޅުވެފައި ވަނީ، ޑީކޯ ވެ ހާލު ދެރަ ވެގެން އަހުމަދު ސައީދު، 1 ފެބްރުއަރީ 2023 ގައި ޑޮކްޓަރަށް ދެއްކުމުން، ތިނަދޫ އަބްދުލް ސަމަދު މެމޯރިއަލް ހޮސްޕިޓަލުން، އެއްވެސް މައްސަލައެއް ނެތްކަމަށް ނިންމައި ހަމަ އެދުވަހު ދޫކޮށްލި ކަމަށާއި އޭގެ އެއްދުވަސް ފަހުން އަހުމަދު ސައީދު އަމިއްލައަށް މާލެ އައިސް މިހާރު އޭޑީކޭގައި ފަރުވާ ހޯދަމުން ދާ ކަމަށެވެ.
އޭޑީކޭ ޑޮކްޓަރުންނާ ހަވާލާދީ އަހުމަދު ސައީދުގެ އާއިލާއިން މައުލޫމަތު ދިނީ އެއްދުވަސް ލަސްވުމާއި، ފްލައޓުން ފްލައި ކުރުމާ ގުޅިގެން ލިބިފައިވާ ގެއްލުން ބޮޑު ކަމަށާއި މި ވަރުވި އިރު އަޅާ ނުލާ ދޫކޮށްލުމަކީ ދެރަވަރު ކަމެއް ވެސް ފިރުޝާން ވަނީ ވިދާޅުވެފަ އެވެ.
މަޖްލިސް މެމްބަރު ހުސައިން ފިރުޝާން ގެ ތުހުމަތާ ގުޅިގެން ޑރ އަބަދުއްސަމަދު މެމޯރިއަލް ހޮސްޕިޓަލްގެ ބަހެއް ލިބޭތޯ "ހުވަދޫ" އިން މަސައްކަތް ކުރި ނަމަވެސް އެއްވެސް މައުލޫމާތެއް ލިބޭ ގޮތެއް އަދި ނުވެ އެވެ.
މި ކަމާ ގުޅިގެން އަހުމަދު ސައީދުގެ ޢާއިލާއިން ބުނެފައި ވަނީ ޑީކޮމްޕްރެޝަން ސިކްނެސް ސިންޑްރޯމް ގެމައްސަލައެއް ދިމާވެގެން އަހުމަދު ސައީދަށް މިވަގުތު ދަނީ ADK ހޮސްޕިޓަލްގެ ޗެމްބަރ ގައި ފަރުވާދެމުން ކަމަށެވެ.