އިންޓަރސްކޫލް 100 މީޓަރު ދުވުމުން 19 އަހަރުން ދަށުގެ އުމުރު ފުރައިން، އިބްރާހީމް ނާހިލް ނިޒާރު ރެކޯޑު މުގުރާލައިިފި އެވެ.
ނާހިލް މި ރެކޯޑު މުގުރާލާފައި ވަނީ 100މީޓަރު، 11.69 ސިކުންތުން ދުވެގެންނެވެ.
ނާހިލްގެ ކޯޗު ހުސައިން ރައުހަތު ބުނި ގޮތުގައި ޓްރެކްގެ ފަސްގަނޑު މަޑުވުމުގެ ސަބަބުން އުންމީދު ކުރި ވަރަށް ޕާފޯމް ނުކުރެވުނު ނަމަވެސް ރެކޯޑު އާ ކުރުމުން ހިތްހަމަ ޖެހޭ ކަމަށާއި އަދި ތިނަދޫ ސުކޫލުގެ 13 އަހަރުން ދަށުގެ ފިރިހެން ކުދިންގެ ޓީމުގެ ޕާފޯމަންސް ރަނގަޅު ވުމުން ކުރިމަގަށް އޮތް އުންމީދު ބޮޑު ކަމަށެވެ.
ނާހިލް މި މުގުރާލީ މީގެ ކުރިން ގދ.ތިނަދޫ އެތުލީޓު އިބްރާހީމް ފާރިޝް އަހުމަދު ހިފަހައްޓާފައިވާ ރެކޯޑެވެ.
ނާހިލް އަކީ އެތުލެޓިކްސް އެސޯސިއޭޝަންގެ ގދ ތިނަދޫ ޕޫލް ގައި ތަމްރީނު ހޯދަމުންދާ ގދ އަތޮޅު ތައުލީމީ މަރުކަޒުގެ ދަރިވަރެކެވެ.