ކުރީގެ ރައީސް މައުމޫން އަބްދުލްޤައްޔޫމް މިއަދު ފޮރިން މިނިސްޓްރީއަށް ވަޑައިގެން މިނިސްޓަރ އަބްދުﷲ ޝާހިދާ ބައްދަލުކުރެއްވުމަށް ކަމަށް ބުނެ ބައެއް ފަރާތްތަކުން ޚަބަރު ފަތުރާފައިވަނިކޮށް އެމަނިކުފާނު މިއަދު ފޮރިން މިނިސްޓްރީއަށް ވަޑައިގަތް ސަބަބުން އޮޅުންފިލުވައިދީފިއެެވެ.
މައުމޫންގެ އަރިސް އެމްއާރުއެމްގެ އިސް ބޭފުޅެއްކަމަށްވާ އަހްމަދު ސޮފްވާން ވިދާޅުވީ މައުމޫން ފޮރިން މިިނިސްޓްރީއަށް ވަޑައިގަތީ ދިވެހި ސަރުކާރަށް އަގުހުރި ޚިދުމަތްތަކެއް ކުރެއްވި އެމިނިސްޓްރީގެ އެގްޒެކެޓިވް ޑިރެކްޓަރު އަލްމަރުހޫމާ ޢާބިދާ އަޙުމަދުގެ ހަނދާނުގައި ހުޅުވާފައިވާ ތައުޒިޔާގެ ދަފުތަރުގައި ސޮއިކުރެއްވުމަށް ކަަމަށެވެ.
އާބިދާއަކީ ރައީސް މައުމޫން ވެރިކަމާއި ހަވާލުވަޑައިގަތް 1978 ވަނަ އަހަރު މުލީއާގޭގެ މެއިޑެއްގެ ވަޒީފާއިން ސަރުކާރުގެ ހިދުމަތަށް ނިކުންނެވި ކަނބަލެކެވެ.
1985 ވަނަ އަހަރު މިނިސްޓްރީ އޮފް ފޮރިން އެފެއާޒަށް ވެންނެވުމަށްފަހު ޢާބިދާ ވަޒީފާ އަދާކުރައްވަމުން ގެންދެވީ އެމިނިސްޓްރީގައެވެ.
ރައީސް މައުމޫން ފޮރިން މިނިސްޓްރީއަށް ވަޑައިގެން ޚާރިޖީ ވަޒީރާއެކު ސިއްރު ބައްދަލުވުމެއް ބޭއްވި ކަމަށްބުނެ މީސް މީޑިއާގައި ވަގުތުން ޚަބަރުތައް ފަތުރާފައި ވެއެވެ.