2021-2022 ދިރާސީ އަހަރުން ފެށިގެން ގދ އަތޮޅުގެ ކޮންމެ ރަށު ސުކޫލަކުން ހޮވޭ އެންމެ މޮޅު ދަރިވަރަކަށް 10000ރ 5000ރ ދެމެދުގެ ފާއިސާގެ އިނާމެއް ދިނުމަށް ގދ އަތޮޅު ކައުންސިލުން ފާސްކޮށްފިއެވެ.
އެ ކައުންސިލުން މިގޮތަށް ފާސް ކުރީ މިއަދު ބޭއްވި އެ ކައުންސިލްގެ 4 ވަނަ ދައުރުގެ މިއަހަރުގެ 21 ވަނަ އާންމު ޖަލްސާ ގައެވެ.
ގދ އަތޮޅު ކައުންސިލުން ފާސްކުރި މި ނިންމުމުގައި ވާގޮތުން މޮޅު ދަރިވަރަށް ދޭ ފައިސާގެ އިނާމް ދޭނީ ކޮންމެ ރަށަކުންވެސް އެރަށަކަށް ނިސްބަތްވާ ޘާނަވީ ސްކޫލަށެވެ.
މިއީ ގދ އަތޮޅު ކައުންސިލުން މިފަދަ އަގުބޮޑު އިނާމެއް އަތޮޅުގެ ރަށްތަކުގެ ސްކޫލްތަކަށް ކޮންމެ އަހަރަކު ދޭން ނިންމި ފުރަތަމަ ފަހަރެވެ.
ކައުންސިލް ގެ މި ނިންމުމާއި މެދު ގދ އަތޮޅު ސްކޫލް ތަކުންނާއި ބެލެނިވެރިން ތިބީ ވަރަށް ބޮޑަށް ހިތްހަމަޖެހިފައެވެ. އެގޮތުން ސްކޫލެއްގެ ބެލެނިވެރިއެއް ފާހަގަ ކުރެއްވިގޮތުގައ މިކަމަކީ ފައިސާއަށް ވުރެ ބޮޑު ކަމެއް ކަމަށާއި ދަރިވަރުންގެ އަގުވަޒަން ކުރުމުގެ ގޮތުން މިފަދަ ކަންކަން މުވައްސަސާތަކުން ކުރުމަކީ ލިބޭ އުފަލެއް ކަމަށް ފާހަގަ ކުރެއްވިއެވެ.
ގދ އަތޮޅުގެ 4 ވަނަ ދައުރުގެ ކައުންސިލް ފާހަގަ ކުރެވެނީ ކުރީގެ ކައުންސިލްތަކާ ޚިލާފަށް އަތޮޅުގެ އެކި ރަށްތަކުގައި ހިނގާ އެކިއެކި ޙަރަކާތްތަކާއި ކަންކަމަށް ގިނަ ޚަރަދުތައް ކުރަމުން ގެންދާ ކައުންސިލެއްގެ ގޮތުގައެވެ.
އަތޮޅު ކައުންސިލް ގެ މި ނިންމުމާއި މެދު ގދ އަތޮޅު ސްކޫލް ތަކުންނާއި ބެލެނިވެރިން ތިބީ ވަރަށް ބޮޑަށް ހިތްހަމަޖެހިފައެވެ.