ފުލުހުން ކުރިއަށްގެންދަވާ ތަހުގީގަކާއި ގުޅޭގޮތުން ހަޤީޤަތާއި ހިލާފު މައުލޫމާތު ބައެއް މީޑިއާތަކުން ފަތުރަމުންދާކަމަށް ފުލުހުން ބުނެފިއެވެ.
ފުލުހުން ނެރުނު ބަޔާނެއްގައި ބުނީ އަންހެން ފުލުހަކަށް ގެވެށި އަނިޔާކުރި މައްސަލައެއް ހުށަހެޅުމާއި ގުޅިގެން އެމައްސަލަ ދިވެހި ފުލުހުންގެ ޚިދުމަތުން ގެންދަނީ ތަހުގީގުކުރަމުންނެވެ. އަދި މިމައްސަލައާއި ގުޅީގެން މިހާތަނަށް ލިބިފައިވާ މައުލޫމާތުގެ އަލީގައި ފުލުހުންގެ ޕްރޮފެޝަނަލް ސްޓޭންޑަޑްސް ކޮމާންޑުންވެސް ތަޙުޤީޤެއް ކުރިއަށްގެންދާކަމަށް ފުލުހުން ވިދާޅުވެއެވެ.
ފުލުހުން ބުނީ މި މައްސަލައިގައި އާއްމުންނަށް އޮޅޭގޮތަށް އޮންލައިން ނޫހަކުން ޚަބަރުތައް ގެނެސްދީފައިވާކަމަށެވެ. އަދި ތަހުގީގުކުރަމުންދާ މައްސަލައެއްގެ ހަގީގަތް އޮޅުވާލަން، ތަހުގީގުގެ ތެރެއިން އުޅޭކަމަށް ބަޔާންކޮށް އެ ނޫހުގައް ޝާއިއުކޮށްފައިވާ ޚަބަރަކީ، ފުލުހުންްގެ އިދާރާއިން މައުލޫމާތު އޮޅުންފިލުވުމަށް އެއްވެސް މަސައްކަތެއް ނުކޮށް، ލިޔެފައިވާ ދޮގު ޚަބަރެއްކަމަށްވެސް ފުލުހުން ވިދާޅުވެއެވެ.
ފުލުހުން ދިވެހި ފުލުހުންގެ ޚިދުމަތުން ބުނެފައިވަނީ މުވައްޒަފުންގެ ޕްރޮފެޝަނަލް ކޮންޑަކްޓު ކަށަވަރުމުރުމަށް ގާނޫނުތަކުން ތަފާތު އިންތިޒާމުތައް ހަމަޖެހިފައިވާއިރު، އެނިޒާމުތަކާ މެދު ރައްޔިތުންގެ އިތުބާރުގެއްލޭގޮތަށް ޒިންމާދާރުކަމެއް ނެތި މިފަދަ ހައްސާސް ކަންކަމުގައި ހަގީގަތާ ހިލާފު މައުލޫމާތު ހާމަކުރުމަކީ ފުލުހުންގެ ޚިދުމަތުން ކަންބޮޑުވާކަމެއްކަމަށެވެ.