ބާސެލޯނާއިން ކޭމްޕް ނޯ އެއްކޮށް ތަޅާލާ އާ ސްޓޭޑިއަމް އެއް އެޅުމަށް މަސައްކަތް ފަށައިފިއެވެ.
ބާސެލޯނާގެ ކޭމްޕް ނޯ އެއްކޮށް ކުދިކުދިވެގެން ދިޔަ މަންޒަރުތަކެއް ފެންމަތިވުމާ ގުޅިގެން ބާސެލޯނާގެ ސަޕޯޓަރުންގެ ލޮލުން ކަރުނަ އޮހިއްޖެނަމަ މައާފަށް އެދޭ ކަމަށް ބާސެލޯނާއިން ވަނީ ބުނެފައެވެ. ސްޕެއިންގެ ޗެމްޕިއަނުން ގެ ހިތްވަރުގަދަ ރިޑިވެލޮޕްމަންޓް ޕްލޭންގެ ދަށުން ސްޕީޑާއެކު ސްޓޭޑިއަމްގެ މަސައްކަތް ކުރިއަށް ދާއިރު، ކެރޭންތަކުން ސްޓޭންޑްތަކުގެ ސްޓްރަކްޗާތައް ފަޅައިގެންދާ މަންޒަރު ފެނުނީ ފައިނަލް މެޗަށް ހަ ހަފުތާ ފަހުންނެވެ.
ކޭމްޕް ނޯ ތަޅާލަނީ
ބާސެލޯނާގެ 1.25 ބިލިއަން ޕައުންޑްގެ ސްޓޭޑިއަމްގައި ފާއިތުވި ހަފުތާގައި 250 މަސައްކަތްތެރިން ތިބިއިރު، ވަރަށް އަވަހަށް އިތުރު އުންމީދުތަކަކާއެކު، ބާސެލޯނާގެ ސްޓޭޑިއަމް މަރާމާތު ކުރުމުގެ މަސައްކަތް ކުރިއަށްދާނީ 2025-26 ވަނަ އަހަރުގެ ސީޒަނަށް ހުޅުވުމުގެ އުއްމީދުގައެވެ.
ނަމަވެސް ސްޓޭންޑްތައް ކުދިކުދިވެގެން ދާ މަންޒަރު ފެންނަ މަންޒަރުތަކުން ގިނަ ސަޕޯޓަރުންގެ ހިތުގައި ޖެހި، ހިތް ކުދި ކުދިވާ އިހުސާސްތަކެއް އުފެދުނެވެ.
އޭގެ ސަބަބުން އޭނާ "ކަރުނަ އޮހޮރެނީ" ކަމަށް ބުނެ އެއް ސަޕޯޓަރަކު ޓްވީޓް ކޮށްފައިވާއިރު، އަނެއް ފުޓްބޯޅަ ސަޕޯޓަރަކު ލިޔެފައި ވަނީ "އެންމެ އައިކޮނިކް ސްޓޭޑިއަމް ހަލާކުކުރާނީ ކިހިނެއްތޯ" ކަމަށެވެ.
އެ ކްލަބުން 2022 ވަނަ އަހަރުގެ ޖުލައި މަހު ވަނީ ތާރީހީ ދަނޑު ދޫކޮށް 2023-24 ގެ ކެމްޕޭން އޮލިމްޕިކް ސްޓޭޑިއަމްގައި ކުޅުމަށް ނިންމައިފަ އެވެ.
1992 ވަނަ އަހަރުގެ ހޫނު މޫސުމުގެ ގޭމްސް ބޭއްވި އޮލިމްޕިކް ސްޓޭޑިއަމަކީ މުޅި ސިޓީގައި އޮތް ކުރު ހޯޕެއް ކަމުން ޒަވީގެ ސްކޮޑަށް މާ ގިނަ މައްސަލަތަކެއް ކުރިމަތިވެގެން ނުވާނެ އެވެ.
އެހެންނަމަވެސް، މި ސްޕީޑަކީ ބާސެލޯނާއިން އާ ޒަމާނަކަށް ދާއިރު، އެ ޓީމުގެ ކެޕޭސިޓީ 99،354 ޖާގައިން 105،000 އަށް އިތުރުވާނެ ކަމުގެ ހެއްކެކެވެ. މިއުޒިކް ސްޓްރީމިން ޕްލެޓްފޯމާއެކު ސްޕޮންސާ ކުރުމުގެ ގޮތުން ފުރާޅު އެޅުމާއި ސްޓޭޑިއަމްގެ ނަން ރަސްމީކޮށް "ސްޕޮޓިފައި ނޫ ކޭމްޕް" އަށް ބަދަލުކުރުން ހިމެނެ އެވެ.
ސްޕޮޓިފައި ނޫ ކޭމްޕް
ކްލަބުގެ ރައީސް ޖޮއާން ލަޕޯޓާ ދާދި ފަހުން އަމިއްލައަށް އެ ތަނަށް ޒިޔާރަތްކޮށް މިހާތަނަށް ކުރި މަސައްކަތާ މެދު އުފާފާޅުކުރި އެވެ.
"އެކަމަކު، ހިނގާބިނގާވެ، ރަނގަޅަށް ކުރިއަށްދާ މަސައްކަތްތަކުގެ ދުވެލި ބެލުމަށްފަހު، އުއްމީދާއި އުފާވެރިކަމުގެ އިހުސާސް ލިބެނީ ބާސެލޯނާގެ ރައްޔިތުންގެ އެންމެން ގުޅިގެން ދެކެމުން އަންނަ ހުވަފެނެއް ހަގީގަތަކަށް ހަދާތީ." ކަމަށްވެސް ޖޮއާން ލަޕޯޓާ ވަނީ ބުނެފައެވެ.
ބާސެލޯނާގެ މާލީ ހާލަތު ބަލަމުން އަންނަތާ އެތައް އަހަރެއް ވެފައިވާއިރު، ކޮވިޑްގެ ބަލިމަޑުކަމުގެ ތެރޭގައި ފުޓްބޯޅަ ހުއްޓިފައި އޮތުމުން އެހެން މީހުންނަށް ވުރެ ބޮޑު ގެއްލުމެއް ބާސެލޯނާއަށް ވަނީ ލިބިފަ އެވެ. ޕެންޑެމިކްގެ ތެރޭގައި ލިބުނު ގެއްލުންތައް ފޫބެއްދުމަށް ބާސެލޯނާ އިން އަންނަނީ އިތުރު އާމްދަނީއެއް ހޯދޭނެ ގިނަ ގޮތްތަކެއް ހޯދަމުންނެވެ.
އެހެންކަމުން ކޭމްޕް ނޯ ދަނޑުގެ ގްރާސް ބޭނުންކޮށްގެން ކްލަބުން އަމިއްލަ އަށް ޑައިމަންޑް އުފައްދާނެ އެކްސްކްލޫސިވް، ގަހަނާގެ އާ ލައިންއެއް ތައާރަފް ކުރަން ތައްޔާރުވަމުން އަންނަ ކަމަށް ރިޕޯޓްތައް ބުނެ އެވެ. މުންޑޯ ޑިޕޯޓިވޯ އިން ބުނި ގޮތުގައި މިދިޔަ ސީޒަނުގެ ދަނޑުން ގްރާސް ބޭނުންކޮށްގެން ކާބޯނައިޒޭޝަން ޕްރޮސެސްއެއްގައި ދެމެހެއްޓެނިވި ގޮތެއްގައި ސްޕާކިން ޖެމްސްގެ ރޭންޖް އުފެއްދުމަށް އެ ކްލަބުން އަންނަނީ ވަރަށް ބޮޑަށް ވިސްނަމުންނެވެ. ގަހަނާ ނެގުމުގެ މަސައްކަތުގެ ނަމަކީ އެޓާން ސްޕޮޓިފައި ނޫ ކޭމްޕް 1957 އެވެ.
ބާސެލޯނާއިން އަލަށް ހަދާ ސްޕޮޓިފައި ނޫ ކޭމްޕް
އެގޮތުން 7،000 އަކަ މީޓަރުގެ މި ޕިޗުން 1957 ޖަވާހިރު ބޭނުންކޮށްގެން ޑައިމަންޑް ޕިން، ބްރޭސްލެޓް، ކަފްލިންކް، ރިންގްސް، ނެކްލެސް، ޝީލްޑް އަދި ޕިން އުފައްދަން ނިންމާފައިވާ ކަމަށް ވަނީ ބުނެފަ އެވެ.
57 އެއް ކެރެޓްގެ ޑައިމަންޑް ކަނޑާލަން ނިންމާފައިވާއިރު، އެއް ކެރެޓްގެ އަގަކީ 12،000 ޕައުންޑެވެ. އަދި މި ޕްރޮސެސްއިން ކޮންމެ އަހަރަކު ގާތްގަނޑަކަށް 25 މިލިއަން ޕައުންޑް ލިބޭނެ ކަމަށް އެ ކްލަބުން އަންނަނީ ލަފާ ކުރަމުންނެވެ.