ނަޑެއްލާ ކައުންސިލް ސްޕޯރޓްސް ފިއެސްޓާ 2023 ގައި މިރޭ ކުޅުނު މެޗުން ނަޑެއްލާ ސްޕޯރޓްސް މޮޅުވެއްޖެއެވެ.
ފޯރިގަދަ ކުޅުމެއް ފެނިގެން ދިޔަ މި މެޗް 3 ސެޓު 1 ސެޓުން ނަޑެއްލާ ސްޕޯޓްސް އިން ވަނީ ކާމިޔާބުކޮށްފައެވެ.
މިމެޗުގެ އޮފްދަމެޗްއަކަށް ހޮވިފައިވަނީ ނަޑެއްލާ ސްޕޯރޓްސް ކުލަބުގެ ޝިފްޒާ އެވެ.
މެޗް ގެ މޮޅު ކުޅުންތެރިޔާ ނަޑެއްލާ ސްޕޯޓްސް ކްލަބްގެ ޝިފްޒާ، ހުވަދޫ ފޮޓޯ :ނަޑޭ
ގދ އަތޮޅު ކައުންސިލް އިން މެއިން ސްޕޮންސަރ ކޮށްފައިވާ "ނަޑެއްލާ ކައުންސިލް ސްޕޯޓްސް ފިއެސްޓާ 2023" އަކީ ފުޓްސަލް އާއި ވޮލީއަށް ޚާއްސަ ކުރެވިގެން އެރަށު ޒުވާނުންނަށް ކުރިޔަށް ގެންދާ މުބާރާތެކެވެ. އެގޮތުން އަންހެން ޑިވިޝަން އާއި ފިރިހެން ޑިވިޝަން ވަކި، މުބާރާތެއްގެ ގޮތުގައި ރަށުގެ ޓީމުތައް ބައިވެރިވާ ގޮތަށް ފުޓްސަލް އާއި ވޮލީ ކުރިޔަށް ގެންދާ ގޮތަށް ހަމަޖެހިފައިވެއެވެ.
ނަޑެއްލާ ކައުންސިލް ސްޕޯޓްސް ފިއެސްޓާގެ މީޑިއާ ޕާރޓްނާރ އަކަށް ހުވަދޫ މީޑިއާ ހަމަޖައްސާފައިވާއިރު، މި މުބާރާތުގެ ބްރޭންޑިން ޕާރޓްނާ އަށް ރާޅު އާޓްސް އެންޑް ޑިޒައިން ވަނީ ހަމަޖައްސާފައެވެ.