މިއަދު ހަވީރު ކުޅެވުނު ނަޑެއްލާ ކައުންސިލް ސްޕޯރޓްސް ފިއެސްޓާ 2023 ގެ އަންހެން ޑިވިޝަން ވޮލީ ޗެމްޕިއަންކަން ނަޑެއްލާ ސްޕޯރޓްސް ހޯދައިފިއެވެ.
ނަޑެއްލާ ވޮލީ ކޯޓުގައި ކުޅެވުނު މި މެޗްގައި ބައްދަލު ކުރީ ޗެމްޕިއަންކަން ނެގި ނަޑެއްލާ ސްޕޯރޓް އާއި ބޯލް ބެންގާރސް ޓީމެވެ. ވާދަވެރި ކުޅުމެއް ފެނިގެން ދިޔަ މި މެޗް 3 ސެޓު 1 ސެޓުން ގޭމް އޮން ޓީމާއި ވާދަކޮށް ނަޑެއްލާ ސްޕޯޓްސް އިން ވަނީ ކާމިޔާބުކޮށްފައެވެ.
ގދ އަތޮޅު ކައުންސިލް އިން މެއިން ސްޕޮންސަރ ކޮށްފައިވާ "ނަޑެއްލާ ކައުންސިލް ސްޕޯޓްސް ފިއެސްޓާ 2023" ގެ މޮޅު ކުޅުންތެރިންނަށް ހޮވިފައިވާ ފަރާތްތަކަށް އިނާމް ދެއްވީ ފައިނަލް މެޗްގެ ޝަރަފްވެރި މެހެމާން މިނިސްޓްރީ އޮފް ފިޝަރީޒް މެރިން ރިސޯސް އެންޑް އެގްރިކަލްޗާރ ގެ ސީނީއަރ އެގްޒެކެޓިވް ޑިރެކްޓަރ އިބްރާހިމް ނާފިޒް (ޗިކާ) އެވެ.
މި މުބާރާތުގެ ޑްރީމްޓީމް އަށް ހޮވިފައިވާ 7 ކުޅުންތެރިންނަކީ:
- ޝިފްޒާ ނަޖީބް – ނަޑެއްލާ ސްޕޯރޓްސް ކްލަބް
- މަރްޔަމް ޝުހުރަތު – ނަޑެއްލާ ސްޕޯރޓްސް ކްލަބް
- އާމިނަތު ޒިފްނާ – ނަޑެއްލާ ސްޕޯރޓްސް ކްލަބް
- އާއިޝަތު ޖައެޝާ ޙަސަން – ނަޑެއްލާ ސްޕޯރޓްސް ކްލަބް
- ފާތިމަތު ރަފީޤާ ޙަސަން – ބޯލް ބެންގާސް
- މަރްޔަމް ޝަޒުގާ އަޙްމަދު – ބޯލް ބެންގާސް
- ފިޔާޒާ ނަޖީބު – ބޯލް ބެންގާސް
މި މުބާރާތުގެ އެންމެ އުއްމީދީ ކުޅުންތެރިޔަކަށް ހޮވިފައިވަނީ ބޯލް ބެންގާސް މައިޝާ މުޙައިމިންއެވެ. އަދި މި މުބާރާތުގެ ބެސްޓް ކޯޗް އަކަށް ހޮވިފައިވަނީ ނަޑެއްލާ ސްޕޯރޓްސްގެ ކޯޗް މުރުތަލާ މުޙައްމަދުއެވެ.
މުބާރާތުގެ ބެސްޓް ކޯޗް – ހުވަދޫ ފޮޓޯ: ނަޑޭ
ގދ އަތޮޅު ކައުންސިލް އިން މެއިން ސްޕޮންސަރ ކޮށްފައިވާ "ނަޑެއްލާ ކައުންސިލް ސްޕޯޓްސް ފިއެސްޓާ 2023" އަކީ ފުޓްސަލް އާއި ވޮލީއަށް ޚާއްސަ ކުރެވިގެން އެރަށު ޒުވާނުންނަށް ކުރިޔަށް ގެންދާ މުބާރާތެކެވެ. އެގޮތުން އަންހެން ޑިވިޝަން އާއި ފިރިހެން ޑިވިޝަން ވަކި، މުބާރާތެއްގެ ގޮތުގައި ރަށުގެ ޓީމުތައް ބައިވެރިވާ ގޮތަށް ފުޓްސަލް އާއި ވޮލީ ކުރިޔަށް ގެންދާ ގޮތަށް ހަމަޖެހިފައިވެއެވެ.
ނަޑެއްލާ ކައުންސިލް ސްޕޯޓްސް ފިއެސްޓާގެ މީޑިއާ ޕާރޓްނާރ އަކަށް ހުވަދޫ މީޑިއާ ހަމަޖައްސާފައިވާއިރު، މި މުބާރާތުގެ ބްރޭންޑިން ޕާރޓްނާ އަށް ރާޅު އާޓްސް އެންޑް ޑިޒައިން ވަނީ ހަމަޖައްސާފައެވެ.