ނަޑެއްލާ ކައުންސިލް ސްޕޯރޓްސް ފިއެސްޓާ 2023 ގެ ފިރިހެން ޑިވިޝަން ވޮލީ ޗެމްޕިއަންކަން ނަޑެއްލާ ސްޕޯރޓްސް ހޯދައިފިއެވެ.
ގދ. ނަޑެއްލާ ވޮލީ ކޯޓުގައި ކުޅެވުނު މި މެޗްގައި ބައްދަލު ކުރީ ޗެމްޕިއަންކަން ނެގި ނަޑެއްލާ ސްޕޯރޓް އާއި ގޭމް އޮން ޓީމެވެ. ވާދަވެރި ކުޅުމަކަށް ފަހު ނަޑެއްލާ ސްޕޯޓްސް ވަނީ ސީދާ 3 ސެޓުން ގޭމް އޮން ޓީމާއި ވާދަކޮށް މުބާރާތް ވަނީ ކާމިޔާބުކޮށްފައެވެ.
ގދ އަތޮޅު ކައުންސިލް އިން މެއިން ސްޕޮންސަރ ކޮށްފައިވާ "ނަޑެއްލާ ކައުންސިލް ސްޕޯޓްސް ފިއެސްޓާ 2023" ގެ މޮޅު ކުޅުންތެރިންނަށް ހޮވިފައިވާ ފަރާތްތަކަށް އިނާމް ދެއްވީ ފައިނަލް މެޗްގެ ޝަރަފްވެރި މެހެމާން މިނިސްޓްރީ އޮފް ފިޝަރީޒް މެރިން ރިސޯސް އެންޑް އެގްރިކަލްޗާރ ގެ ސީނީއަރ އެގްޒެކެޓިވް ޑިރެކްޓަރ އިބްރާހިމް ނާފިޒް (ޗިކާ) އެވެ.
މުބާރާތުގެ އެންމެ އުއްމީދީ ކުޅުންތެރިޔަކަށް ހޮވިފައިވަނީ ނަޑެއްލާ ސްޕޯރޓްސް ކްލަބްގެ މުހައްމަދު ނާއިލް – ހުވަދޫ ފޮޓޯ / ނަޑޭ
މި މުބާރާތުގެ ޑްރީމްޓީމް އަށް ހޮވިފައިވާ 7 ކުޅުންތެރިންނަކީ:
އިސްމާޢީލް ރަޝީދު – ގޭމް އޮން
ޙުސައިން ރިޝްވާން – ގޭމް އޮން
ނާފިޒް އިބްރާހީމް – ނަޑެއްލާ ސްޕޯރޓްސް ކްލަބް
މުހައްމަދު ނާއިލް – ނަޑެއްލާ ސްޕޯރޓްސް ކްލަބް
ފަސީހު ޢަލީ – ގޭމް އޮން
އަޙްމަދު ރަޝީދު – ނަޑެއްލާ ސްޕޯރޓްސް ކްލަބް
މުހައްމަދު ޤާދިރު – އާޗާ ވާއު
މި މުބާރާތުގެ އެންމެ އުއްމީދީ ކުޅުންތެރިޔަކަށް ހޮވިފައިވަނީ ގޭމް އޮން ގެ ރާއިފް ރަޝީދު. އަދި މި މުބާރާތުގެ ބެސްޓް ކޯޗް އަކަށް ހޮވިފައިވަނީ ނަޑެއްލާ ސްޕޯރޓްސްގެ ކޯޗެވެ.
މުބާރާތުގެ އެންމެ އުއްމީދީ ކުޅުންތެރިޔާ ގޭމް އޮން ގެ ރާއިފް ރަޝީދު – ހުވަދޫ ފޮޓޯ / ނަޑޭ
ގދ އަތޮޅު ކައުންސިލް އިން މެއިން ސްޕޮންސަރ ކޮށްފައިވާ "ނަޑެއްލާ ކައުންސިލް ސްޕޯޓްސް ފިއެސްޓާ 2023" އަކީ ފުޓްސަލް އާއި ވޮލީއަށް ޚާއްސަ ކުރެވިގެން އެރަށު ޒުވާނުންނަށް ކުރިޔަށް ގެންދާ މުބާރާތެކެވެ. އެގޮތުން އަންހެން ޑިވިޝަން އާއި ފިރިހެން ޑިވިޝަން ވަކި، މުބާރާތެއްގެ ގޮތުގައި ރަށުގެ ޓީމުތައް ބައިވެރިވާ ގޮތަށް ފުޓްސަލް އާއި ވޮލީ ކުރިޔަށް ގެންދާ ގޮތަށް ހަމަޖެހިފައިވެއެވެ.
ނަޑެއްލާ ކައުންސިލް ސްޕޯޓްސް ފިއެސްޓާގެ މީޑިއާ ޕާރޓްނާރ އަކަށް ހުވަދޫ މީޑިއާ ހަމަޖައްސާފައިވާއިރު، މި މުބާރާތުގެ ބްރޭންޑިން ޕާރޓްނާ އަށް ރާޅު އާޓްސް އެންޑް ޑިޒައިން ވަނީ ހަމަޖައްސާފައެވެ.