ނަޑެއްލާ ކައުންސިލް ސްޕޯރޓްސް ފިއެސްޓާ 2023 ގެ އަންހެން ފުޓްސަލް ގައި މިރޭ ބައްދަލުކުރި މެޗުން ނަޑެއްލާ ސްޕޯރޓް ކްލަބް ވަނީ އެޓީމުގެ ފުރަމަތަ މޮޅާއި އެކު މުބާރާތް ފަށާފައެވެ.
ނަޑެއްލާ ފުޓްސަލް ދަނޑުގައި ކުޅެވުނު މި މެޗްގައި ބައްދަލުކުރީ ނަޑެއްލާ ސްޕޯރޓްސް ކްލަބް އާއި އެފްސީ ފެމްމިނީސް އެވެ. މިމެޗް 3 _ 1 ގެ ނަތީއްޖާ އިން ނަޑެއްލާ ސްޕޯރޓްސް ވަނީ ކާމިޔާބް ކޮށްފައެވެ.
މި މެޗުގައި ޕްލެޔާރ އޮފްދަ މެޗްއަކަށް ހޮވުނު ޝަޒްރާ ނަޖީބް ވަނީ 3 ގޯލް ޖަހާފައެވެ. އެފްސީ ފެމްމިނީސް ގެ ހަމައެކަނި ގޯލް ޖެހީ ރިފްޤާ ނަސީރުއެވެ.
މި މެޗުގެ ޕްލެޔާރ އޮފްދަ މެޗް – ނަޑެއްލާ ސްޕޯރޓްސް ކްލަބްގެ ޝަޒްރާ ނަޖީބް – ހުވަދޫ ފޮޓޯ / ނަޑޭ
ގދ އަތޮޅު ކައުންސިލް އިން މެއިން ސްޕޮންސަރ ކޮށްފައިވާ "ނަޑެއްލާ ކައުންސިލް ސްޕޯޓްސް ފިއެސްޓާ 2023" އަކީ ފުޓްސަލް އާއި ވޮލީއަށް ޚާއްސަ ކުރެވިގެން އެރަށު ޒުވާނުންނަށް ކުރިޔަށް ގެންދާ މުބާރާތެކެވެ. އެގޮތުން އަންހެން ޑިވިޝަން އާއި ފިރިހެން ޑިވިޝަން ވަކި، މުބާރާތެއްގެ ގޮތުގައި ރަށުގެ ޓީމުތައް ބައިވެރިވާ ގޮތަށް ފުޓްސަލް އާއި ވޮލީ ކުރިޔަށް ގެންދާ ގޮތަށް ހަމަޖެހިފައިވެއެވެ.
ނަޑެއްލާ ކައުންސިލް ސްޕޯޓްސް ފިއެސްޓާގެ މީޑިއާ ޕާރޓްނާރ އަކަށް ހުވަދޫ މީޑިއާ ހަމަޖައްސާފައިވާއިރު، މި މުބާރާތުގެ ބްރޭންޑިން ޕާރޓްނާ އަށް ރާޅު އާޓްސް އެންޑް ޑިޒައިން ވަނީ ހަމަޖައްސާފައެވެ.