ނަޑެއްލާ ކައުންސިލް ސްޕޯރޓްސް ފިއެސްޓާ 2023 ގެ ފިރިހެން ފުޓްސަލްގެ މެޗުން ނަޑެއްލާ ސްޕޯރޓް ކްލަބް ވަނީ ފަސޭހައިން ޓީމް ގައްބަރު ބަލިކޮށް އެޓީމުގެ ފުރަމަތަ މޮޅާއި އެކު މުބާރާތް ފަށާފައެވެ.
ނަޑެއްލާ ފުޓްސަލް ދަނޑުގައި ކުޅެވުނު މި މެޗްގައި ބައްދަލުކުރީ ނަޑެއްލާ ސްޕޯރޓްސް ކްލަބް އާއި ޓީމް ގައްބަރުއެވެ.
މިމެޗް 4 _ 0 ގެ ނަތީއްޖާ އިން ނަޑެއްލާ ސްޕޯރޓްސް ވަނީ ކާމިޔާބް ކޮށްފައެވެ. މި މެޗުގައި ޕްލެޔާރ އޮފްދަ މެޗްއަކަށް ހޮވުނު މުހައްމަދު ނާއިލް ވަނީ 4 ގޯލް ޖަހާފައެވެ.
މި މެޗުގެ ޕްލެޔާރ އޮފްދަ މެޗް – ނަޑެއްލާ ސްޕޯރޓްސް ކްލަބްގެ މުހައްމަދު ނާއިލް – ހުވަދޫ ފޮޓޯ / ނަޑޭ
ގދ އަތޮޅު ކައުންސިލް އިން މެއިން ސްޕޮންސަރ ކޮށްފައިވާ "ނަޑެއްލާ ކައުންސިލް ސްޕޯޓްސް ފިއެސްޓާ 2023" އަކީ ފުޓްސަލް އާއި ވޮލީއަށް ޚާއްސަ ކުރެވިގެން އެރަށު ޒުވާނުންނަށް ކުރިޔަށް ގެންދާ މުބާރާތެކެވެ. އެގޮތުން އަންހެން ޑިވިޝަން އާއި ފިރިހެން ޑިވިޝަން ވަކި، މުބާރާތެއްގެ ގޮތުގައި ރަށުގެ ޓީމުތައް ބައިވެރިވާ ގޮތަށް ފުޓްސަލް އާއި ވޮލީ ކުރިޔަށް ގެންދާ ގޮތަށް ހަމަޖެހިފައިވެއެވެ.
ނަޑެއްލާ ކައުންސިލް ސްޕޯޓްސް ފިއެސްޓާގެ މީޑިއާ ޕާރޓްނާރ އަކަށް ހުވަދޫ މީޑިއާ ހަމަޖައްސާފައިވާއިރު، މި މުބާރާތުގެ ބްރޭންޑިން ޕާރޓްނާ އަށް ރާޅު އާޓްސް އެންޑް ޑިޒައިން ވަނީ ހަމަޖައްސާފައެވެ.