ނަޑެއްލާ ކައުންސިލް ސްޕޯރޓްސް ފިއެސްޓާ 2023 ގެ ފިރިހެން ފުޓްސަލްގައި ނަޑެއްލާ ސްޕޯރޓް ކްލަބް އާއި ސްޓްރައިކާރސް ޓީމް ބައްދަލުކުރި މެޗް 2 – 2 ނަތީއްޖާ އިން އެއްވަރު ވެއްޖެއެވެ.
ނަޑެއްލާ ފުޓްސަލް ދަނޑުގައި ކުޅެވުނު މި މެޗްގައި ބައްދަލުކުރީ ނަޑެއްލާ ސްޕޯރޓްސް ކްލަބް އާއި ސްޓްރައިކާރސް ޓީމެވެ.
ރީތި ހަމަހަމަ ކުޅުމެއް ފެނިގެންދިޔަ މިމެޗުގައި ފުރަތަމަ ހާފްގައި ނަޑެއްލާ ސްޕޯރޓް ކްލަބް 2 – 1 ގެ ލީޑުނަގާފައި އޮއްވާ ދެވަނަ ހާފްގައި ސްޓްރައިކާރސް ޓީމުން ވަނީ 1 ގޯލް ޖަހާ ނަތީއްޖާ އެއްވަރު ކޮށްފައެވެ.
މި މެޗުގެ ޕްލެޔާރ އޮފްދަ މެޗް – ނަޑެއްލާ ސްޕޯރޓްސް ކްލަބްގެ މުހައްމަދު ނާއިލް – ހުވަދޫ ފޮޓޯ / ނަޑޭ
ގދ އަތޮޅު ކައުންސިލް އިން މެއިން ސްޕޮންސަރ ކޮށްފައިވާ "ނަޑެއްލާ ކައުންސިލް ސްޕޯޓްސް ފިއެސްޓާ 2023" އަކީ ފުޓްސަލް އާއި ވޮލީއަށް ޚާއްސަ ކުރެވިގެން އެރަށު ޒުވާނުންނަށް ކުރިޔަށް ގެންދާ މުބާރާތެކެވެ. އެގޮތުން އަންހެން ޑިވިޝަން އާއި ފިރިހެން ޑިވިޝަން ވަކި، މުބާރާތެއްގެ ގޮތުގައި ރަށުގެ ޓީމުތައް ބައިވެރިވާ ގޮތަށް ފުޓްސަލް އާއި ވޮލީ ކުރިޔަށް ގެންދާ ގޮތަށް ހަމަޖެހިފައިވެއެވެ.
ނަޑެއްލާ ކައުންސިލް ސްޕޯޓްސް ފިއެސްޓާގެ މީޑިއާ ޕާރޓްނާރ އަކަށް ހުވަދޫ މީޑިއާ ހަމަޖައްސާފައިވާއިރު، މި މުބާރާތުގެ ބްރޭންޑިން ޕާރޓްނާ އަށް ރާޅު އާޓްސް އެންޑް ޑިޒައިން ވަނީ ހަމަޖައްސާފައެވެ.