ޖަގަހަ ހުޅުވުމުގެ ރަސްމިއްޔާތުގައި ޕީޕީއެމް ޕީއެންސީގެ އިސް ލީޑަރުން އަދި ސެނެޓް މެމްބަރުންނާއި ގިނަ އަދަދެއްގެ ސަޕޯޓަރުން ބައިވެރިވެވަޑައިގެންނެވިއެވެ.

އިދިކޮޅު ކޯލިޝަނުގެ ރިޔާސީ ކެންޑިޑޭޓް ޑރ. މުޢިއްޒުގެ ކެމްޕޭން ޖަގަހަ ރަސްމީކޮށް މިރޭ ހުޅުވާފައިވާއިރު މިއަދު ހަވީރު ޑރ. މުޢިއްޒުގެ ޑޯ ޓު ޑޯ ކެމްޕެއިންވެސް ވަނީ ފަށާފައެވެ. އެގޮތުން މިއަދު ޑރ. މުޢިއްޒު ޒިޔާރަތްކުރެއްވީ ހުޅުމާލޭ ދެވަނަ ފިޔަވަހީ ހިޔާ ފުލެޓުތަކަށެވެ.

މީގެ އިތުރުން އިދިކޮޅު ކޯލިޝަނުން އަތޮޅުތަކަށް ކުރާ ކެމްޕޭން ދަތުރުތައް ހޮނިހިރު ދުވަހު ފެށުމަށް ވަނީ ނިންމާފައެވެ.