ރިޔާސީ އިންތިހާބަށް ބޭނުންވާ ވަރަށް އަދިވެސް އޮފިޝަލުން ލިބިފައިނުވާކަމަށް އިލެކްޝަންސް ކޮމިޝަން (އީސީ)ގެ ނައިބު ރައީސް އިސްމާއީލް ހަބީބު ވިދާޅުވެއްޖެއެވެ.
އީސީން މިއަދު ވިދާޅުވީ މޮނިޓަރުންނާ އޮބްޒާވަރުންނަށް ހުޅުވާލި ފުރުސަތުގައި އުއްމީދު ކުރި ވަރަށް އޮފިޝަލުން ލިބިފައިނުވާ ކަމަށެވެ. އަދި އިންތިހާބުގެ މަސައްކަތަށް އަދިވެސް އޮފިޝަލުން ބޭނުންވާ ކަމަށާއި މިހާރު ވެސް އޮފިޝަލުން ނެގުމުގެ މަސައްކަތް ކުރަމުން އަންނަ ކަމަށް އީސީން ވިދާޅުވިއެވެ.
ސެޕްޓެމްބަރު 9، ގައި އޮންނަ ރިޔާސީ އިންތިހާބުގައި 600 ވޯޓު ފޮށި ބަހައްޓައެވެ. ކުރީގެ އިންތިހާބުތަކަށް ވުރެ މި އަހަރު އޮފިޝަލުން އިތުރަށް ބޭނުންވާ ކަމަށް މީގެ ކުރިންވެސް އީސީން ވަނީ ވިދާޅުވެފައެވެ.
އީސީގެ އަމާޒަކީ ވީހާވެސް ގިނަ ބަޔަކަށް، ގިނަ އިރު ކިއޫގައި ތިބެން ނުޖެހޭ ގޮތަށް، އަވަަހަށް ފަސޭހައިން ވޯޓުލެވޭނެ އިންތިޒާމުތަކެއް މި އިންތިހާބުގައި ހަމަޖެއްސުމަށެވެ.