އެއްވެސް ގޮތަކަށް ހާސްވާނެ ކަމެެއް ނެތްކަމަށާއި، ބިރުދައްކައިގެން ވޯޓު އިބްރާހީމް މުހައްމަދު ސޯލިހަށް ނުލާނެ ކަމަށް ބުނެ ވަޒީފާއިން ވަކިކޮށްފިކަމަށް ވެއްޖިއްޔާ ޕީޕީއެމްގެ ސަރުކާރެއްގައި އެންމެ ފުރަތަަމައަށްވެސް ކުރާނެކަމަކީ އެބަޔަކަށް ވަޒީފާދިނުން ކަމުގައި ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒުގެ ކެމްޕެއިން ޓީމުން ބުނެފިއެވެ.
މުއިއްޒުގެ ކެމްޕެއިން ޓީމުން ރޭ ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅުދައްކަވަމުން މުއިއްޒުގެ އެސިސްޓެންޓް ކެމްޕެއިން މެނޭޖަރ އަދި ކުރީގެ މަޑަވެލި ދާއިރާގެ މެންބަރު މުއާޒު މުހައްމަދު ރަޝީދު ވިދާޅުވީ އެއްވެސް ގޮތަކަށް ހާސްވާނެ ކަމެެއް ނެތްކަމަށާއި، ބިރުދައްކައިގެން ވޯޓު އިބްރާހީމް މުހައްމަދު ސޯލިހަށް ނުލާނެ ކަމަށް ބުނެ ވަޒީފާއިން ވަކިކޮށްފިކަމަށް ވެއްޖިއްޔާ ޕީޕީއެމްގެ ސަރުކާރެއްގައި އެންމެ ފުރަތަަމައަށްވެސް ކުރާނެކަމަކީ އެބަޔަކަށް ވަޒީފާދިނުން ކަމަށެވެ.
އެއްވެސް ގޮތަކަށް ހާސްވާނެ ކަމެެއް ނެތް، ބިރުދައްކައިގެން ވޯޓު އިބްރާހީމް މުހައްމަދު ސޯލިހަށް ނުލާނެ ކަމަށް ބުނެ ވަޒީފާއިން ވަކިކޮށްފިކަމަށް ވެއްޖިއްޔާ ޕީޕީއެމްގެ ސަރުކާރެއްގައި އެންމެ ފުރަތަަމައަށްވެސް ކުރާނެކަމަކީ އެބަޔަކަށް ވަޒީފާދިނުން -މުއާޒް-
ޕީޕީއެމުން ބޭއްވި ނޫސްވެރިންގެ ބައްދަލުވުމުގައި އިތުރަށް ވާހަކަފުޅުދައްކަވަމުން މުއިއްޒުގެ ސްޕޯކްސްޕާސަން މުހައްމަދު ތޮލާލް ވިދާޅުވީ ރައީސް ޔާމީނުގެ މައްޗަށް އިއްވާފައިވަނީ ނުހައްޤު ހުކުމެއްކަމަށާއި ނަމަވެސް މުއިއްޒުގެ ވެރިކަމެއްގައި ރައީސް ޔާމީން މިނިވަން ކުރާނީ ގާނޫނީ ހަމަތަކުގެ ތެރެއިން ކަމަށެވެ. އަދި ޝަރުއީ ދާއިރާއަށް ނުފޫޒު ފޯރުވުމުގެ އެއްވެސް ކަމެއް މުއިއްޒު ނުކުރައްވާނެ ކަމަށް ތޮލާލް ވިދާޅުވި އެވެ.
މީގެ އިތުރުން ރައީސް ޔާމީންގެ ވެރިކަމެކޭ އެއްފަދައިން މުއިއްޒުގެ ވެރިކަމެއްގައި ވެސް ޝަރުއީ ދާއިރާއަށް ނުފޫޒު ނުފޯރުވާނެ ކަމަށާއި ޝަރުއީ ދާއިރާ މިނިވަން ކުރުމަށްޓަކައި ޖުޑީޝަލް ސާވިސް ކޮމިޝަން (ޖޭއެސްސީ) އެކުލެވޭ ގޮތަށް ބަދަލު ގެންނާނެ ކަމަށް ފާހަގަކުރައްވަމުން ތޮލާލް ވިދާޅުވީ ރައީސް ޔާމީންވެސް އަދި މުއިއްޒުއަކީވެސް ޖުޑީޝަރީއަށް އަތް ބާނުއްވާނެ ބޭފުޅުންނެއް ނޫންކަމަށެވެ.
“ރައީސް ޔާމީން ވެސް ޖުޑިޝަރީއަކަށް އަތެއް ނުބާނުއްވާނެ. ޑރ. މުއިއްޒު ވެސް ޖުޑިޝަރީއަކަށް އަތެއް ނުބާނުއްވާނެ.” ތޮލާލް ވިދާޅުވި އެވެ.
ވ. އާރަށް މައްސަލާގައި ރިޝްވަތާއި މަނީ ލޯންޑްރިންގެ ކުށް ސާބިތުވެ، ރައީސް ޔާމީންގެ މައްޗަށް ވަނީ 11 އަހަރުގެ ޖަލު ހުކުމާއި ފަސް މިލިއަން ޑޮލަރުގެ ޖޫރިމަނާގެ ހުކުމެއް އިއްވާފައިވާއިރު އެ ހުކުމް އިސްތިއުނާފް ކުރަން އެމަނިކުފާނުގެ ފަރާތްޕުޅުން ވަނީ އެ މައްސަލަ ހައިކޯޓަށް ހުށަހަޅާފައެވެ.
އަދި އެ ހުކުމުގެ ސަބަބުން އެމަނިކުފާނަށް ވަނީ މިއަހަރުގެ ރިޔާސީ އިންތިޚާބުގައި ވާދަކުރެއްވުމުގެ ފުރުސަތުވެސް ވަނީ ގެއްލިފައެވެ.