ވެރިކަަމަށް މި އަންނަނީ ދިވެހި ޒުވާނުންނާއި ރާއްޖޭގައި ހުރި ދަތި ތަކާއި، އަދިކ ހާއްސަކޮށް، ހުވަދޫ އަތޮޅަށް އެތައް ގޮތަކުން ކުރިއެރުން ގެނެސްދެއްވުމަށް ކަމަށް، ދަ ޑިމޮކްރެޓްސް ގެ ރިޔާސީ ކެންޑިޑޭޓް އިލްޔާސް ލަބީބް ވިދާޅުވެއްޖެއެވެ.
ރިޔާސީ އިންއިންތިހާބުގެ ކެމްޕެއިންއަށް ހުވަދު އަތޮޅަަށް ކުރެއްވި ދަތުރުގެ ތެރެއިން ހުވަދޫ މީޑިއާއަށް ދެއްވި ހާއްސަ އިންޓަވިޔުއެއްގައި ރިޔާސީ ކެންޑިޑޭޓް އިލްޔާސް ވިދާޅުވީ، ވެރިކަމަށް އަންނަން ނިންމި ނިންމުމުގައި އެންމެ އިސްކަމެއްް ދެއްވައިން ކުރަން ނިންމާފައިވާ އެއް ކަމުގެ ތެރޭގައި، ހުވަދޫ އިންޓަނޭޝަނަލް އެއަރޕޯޓްއެއް އަޅައި، މި ސަރަހައްދުގެ ޓޫރިޒަމް ތަރައްގީ ކުރުމަށް ނިންމާފައިވާ ކަމަށެވެ.
މީގެ އިތުރުން، ހުވަދޫއަކީ މަސްވެރިކަމުގައި ކުރިއަރާފައިވާ އަތޮޅެއް ކަމަށާއި އެގޮތުން، އެބޭފުޅާގެ ވެރިކމަެއްގައި ހާއްސަ އިސްކަމެއް ދެއްވައިގެން ހުވަދޫ މަސްވެރިންގެ އަގުތައް އުފުލައި ދިނުމަށް މަސައްކަތްކުރައްވާނެ ކަމަށާއި، އަދި ހުަވަދޫ ޒުވާނުންނަކީ މަސައްކަތެރި ބަެއްގެ ގޮތުގައި އިލްޔާސް ފާހަގަކުރެއްވިއެވެ.
އެގޮތުން ޒުވާން ލީޑަރޝިޕްއަކާއި އެކު، އިންތިހާބަށް ކުރިމަތިލީ، ޒުވާނުންގެ މަސައްކަތްތައް ފަސޭހަކަމާއި އެކު ކުރިއަށް ގެންދިޔުމަށް އާ އީޖާދުތައް އުފެއްދުމަށާއި އާ ކަންކަން ތަޖުރިބާކުރުމަށް، ޒުވާނުންނަށް ފަހި ފުރުސަތުތައް ހޯދައިދިނުމަށާއި، ޒުވާނުންގެ އުންމީދުތަކާއި ހުވަފެންތައް ހަގީގަތަަކަށް ހެދުމަށް، އެހީތެރިވެދޭން ކަމުގައިވެސް އިލްޔާސް ވިދާޅުވިއެވެ.
މީގެ އިތުރުން، ހުވަދޫއަކީ، އިގްތިސާދީ ގޮތުން، އެތައް ވަސީލަތްތަކެއް މިހާރުވެސް ހުރި، އަދި “ޕޮޓެންޝިއަލް” ހުރި އަތޮޅެއް ކަމަށް އިލްޔާސް ވިދާލިވިއެވެ. އެގޮތުން، އެބޭފުޅުންގެ ވެރިކަމެއްގައި ހުވަދޫއަކީ އިގްތިސާދީ މައި ހަބެއްގެ ގޮތުގައި ހަދައި، ޓޫރިޒަމް އާޮި މަސްވެރިކަމާއި ދަނޑުވެރިކަމުން އެތައް މަންފާތަކެއް ހުވަދޫ ރައްޔިތުންނަށް ގެނެސްދެއްވާނެ ކަމަށް އިލްޔާސް ވިދާޅުވިއެވެ.
އިލްޔާސް ވިދާޅުވީ ޒުވާނުންނަކީ ގައުމުގެ މައި ތަބު ކަމަށާއި، އެގޮތުން ޒުވާނުންނާއި އެކު، ޒުވާން ލީޑާރޝީޕްއަކާއި އެކު، ރާއްޖެ ތަރައްގީގެ އާ ހަރުފަތްތަކަށް ގެންގޮސްދެއްވައި، އިގްތިސާދީ ގޮތުންނާއި އިޖްތިމާއީ ގޮތުންވެސް ހުވަދޫއަކީ ހުރިޙާ ކަމެއްގެ މައި ތަނުގެ ގޮތުގައި ކަނޑައެޅިގެން ދާނެ ކަމަށެވެ.