މިސަރުކާރުގެ އެގްރޯ ނެޓުގެ މެނޭޖިންގ ޑިރެކްޓަރުކަން އަދާކުރެއްވި ހާރޫން ރަޝީދާއި، ގއ ވިލިނގިލިން އަދިވެސް އެތަކެއް ގިނަ ބަޔަކު އިންތިހާބުގެ ދެވަނަ ބުރުގައި ޑރ މުހައްމަދު މުއިއްޒަށް ތާއީދު ކުރައްވައި ޕީޕީއެމަށް ސޮއިކޮށްފިއެވެ.
ރިޔާސީ އިންތިހާބުގެ ދެވަނަ ބުރުގެ ވޯޓަށް ތިން ދުވަހަށްވީއިރު މުއިއްޒުގެ ކެމްޕެއިން ހަރަކާތްތައް ގެންދަނީ ހުއްޓުމެއް ނެތި ހިތްވަރާއެކު ކުރިއަށެވެ. މިއަދު ރާއްޖޭގެ ދެކުނުގެ 4 އަތޮޅަކަށް ކުރައްވަމުންދާ ދަތުރުގެ ތެރެއިން ގއ. ވިލިނގިލިއަށް ވަޑައިގަތުމުން އެ ރަށުން މުއިއްޒަށް ހޫނު މަރުހަބާއެއް ކިޔައި އެންމެން އެއް އަޑަކުން ގޮވާލީ މި ސަރުކާރު ބަދަލު ކުރުމަށެވެ. އަދި ރައީސް އިބްރާހިމް މުހައްމަދު ސޯލިހުގެ ސަރުކާރު ”ނިމެނީ، ނިމެނީ“ ކަމަށެވެ.
ރަށުގެ ރައްޔިތުންގެ މަރުހަބާއަށް ފަހު އޮތް ކުރިއަށް ދިޔަ ޖަލްސާގައި މިސަރުކާރުގެ އިސް މަގާމުތަކާއި، ކުންފުނިތަކުގެ ވަޒީފާއި ތިއްބެވި އެތައް ބަޔަކާއި، އެތައް ޒުވާނުންނެއް ވަނީ މުއިއްޒަށް ތާއީދުކުރުމާއެކު، ޕީޕީއެމާގުޅިފައެވެ.
ޕީޕީއެމާ ގުޅިވަޑައިގެންނެވި ބޭފުޅުންގެތެރޭގައި މިސަރުކާރުން އުފެއްދި އެގްރޯނެޓުގެ ފުރަތަމަ މެނޭޖިންގ ޑިރެކްޓަރ ހާރުން ރަޝީދު ހިމެނިވަޑައިގަންނަވައެވެ. ހާރޫން ޕީޕީއެމާއި ގުޅިވަޑައިގަތީ އިތުރު 100 ފޯމާއެކުއެވެ.
މީގެ އިތުރުން
- ގއ.ވިލިނގިލީގެ ހޮސްޕިޓަލުގެ މެނޭޖިންގ ޑިރެކްޓަރުކަން އަދާކުރެއްވި، މިސަރުކާރުގެ ޖެންޑަރ މިނިސްޓްރީގެ ސީނިއަރ އެގްޒެކްޓިވް އައިމަން ރަޝީދު
- ވިލިނގިލި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރު ރިފާއަތު ރަޝީދު
- ފެނަކަ ވަޒީފާގައި އެތައް އަހަރަކު އަދި އެމްޑީޕީ އުފެދުނީއްސުރެ އެޕާޓީގައި މަސައްކަތްކުރެއްވި އެތައް ބަޔަކު ވަނީ ޕީޕީއެމާއި ގުޅިފައެވެ.
- ކޫއްޑު މަސް ކުންފުންޏާއި، އެއާޕޯޓްގައި މަސައްކަތްކުރައްވާ އެތައް ބައެއް
- ރިސޯޓްތަކުގައި މަސައްކަތްކުރައްވާ އެތައް ޒުވާނުން
- އެރަށުގެ އެހެން ބައެއް ޒުވާނުން
މިއީ ހައްތަހާވެސް ކުރިއަށް އޮތް އިންތިހާބުގެ ދެވަނަ ބުރުގެ ވޯޓު ޕީޕީއެމަށް ޔަގީންކަންދެއްވި ފަރާތްތަކެކެވެ.
ވިލިނގިލިން އެތައް ސަތޭކަ ބަޔަކު ޕީޕީއެމާ ގުޅުނުް ފޯމުތަކާ ހަވާލުވެވަޑައިގަތީ ޕްރޮގްރެސިވް ކޮންގްރެސް ކޯލިޝަން ހިންގެވުމާ ހުންނެވި އަބްދުއްރަޙީމް އަބްދުﷲ އަދުރޭ އާއި، ރިޔާސީ ކެންޑިޑޭޓް ޑރ.މުހައްމަދު މުއިއްޒެވެ.
ވަރަށް ޖޯޝައި ފޯރީގައި ކުރިއަށް ދިޔަ މި ޖަލްސާގައި އެރަށުގެ ރައްޔިތުން ބުނަމުންދިޔައީ، އެރަށުގެ އެމްޑީޕީ ރުޅާލާއި، ފުނޑުފުނޑު ކޮށްލެވިއްޖެ ކަމަށެވެ. އަދި އެރަށުން ސުޕަ މެޖޯރިޓީ ޑރ.މުއިއްޒު ނަގާނެ ކަމަށްވެސް އެރަށުގެ ޒުވާނުންނާއި ރައްޔިތުން ވަނީ ބުނެފައެވެ.
މުއިއްޒަށާއި މުއިއްޒުގެ ޓީމަށް މިއަދު ވިލިނގިލިން ދަންނަވާފައި ވަނީ ވަރަށް ހޫނު މަރުހަބާއެއް ދަންނަވާފައެވެ.