ތިނަދޫ އިން އެމްޑީޕީ އާއި ގުޅުނީ ޑިމޮކްރެޓްސް އަށް ނިސްބަތްވާ ބައެއް ނޫން ކަމަށާއި އެއީ ބޮޑު އޮޅުވާލުމެއް ކަމަށް ޑިމޮކްރެޓްސް ތިނަދޫ އޮފީހުން ބުނެފިއެވެ.
އެ އޮފީހުގެ އިސް ފަރާތަކުން ހުވަދޫ އަށް މަޢުލޫމާތު ދެއްވި ގޮތުގައި މިއަދު ތިނަދޫ ގައި އެމްޑީޕީ އާއި ގުޅުން 6 މީހުންގެ ތެރޭގައި ދަ ޑިމޮކްރެޓްސް އަށް ސޮއި ކޮއްފައި ނުވަތަ އެ ޕާޓީގެ ނަމުގައި އިލެކްޝަންސް ގެ ދަފްތަރުގައި ހިމެނިފައިވާ އެއްވެސް މީހަކު ނެތް ކަމަށެވެ. އެމީހުން ދައްކަނީ އެކި ޕާޓީގެ ނަމުގައި ކަމަވެސް އެ ޕާޓީން ހާމަ ކުރެ އެވެ.
ޑިމޮކްރެޓްސް ގެ އޮފިޝަލަކު ވިދާޅުވީ އެ ޕާޓީ ނަމުގައި ވަކާލާތުކޮށް މީޑިއާ ތަކަށް މައުލޫމާތުދީ ޕާޓީގެ ޓިޝާޓް ލައިގެން އޮޅުވާލުމަކީ ވަރަށް ދަށް ފެންވަރުގެ ޢަމަލެއް ކަމަށާއި އެއީ ކުރެވިގެންވާ ވާނެ ކަމެއް ނޫން ކަމަށެވެ.
ތިނަދޫ ޑިމޮކްރެޓްސްގެ އޮފިޝަލް މިގޮތަށް މައުލޫމާތު ދެއްވި އިރު ރިޔާސީ އިންތިހާބުގެ ދެވަނަބުރުގައި އެއްވެސް ކެންޑިޑޭޓަކާށް ތާއީދު ނުކުރުމަށް ވަނީ ނިންމާފައެވެ.
އެހެންނަމަވެސް އެޕާޓީގެ ކައުންސިލް ބައްދަލުވުމުގެ މެޖޯރިޓީ މެމްބަރުން ގޮވަމުންދިޔައީ އިބޫ ނޫންގޮތެއް ކަމަށެވެ. އަދި ޑިމޮކްރެޓްސްގެ ރޫހު ހުރީ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު މި އިންތިހާބުން ބަލިކޮށްލުމަށެވެ.
ރިޔާސީ އިންތިހާބުގެ ފުރަތަމަ ބުރުގައި އެމްޑީޕީ އާއި ކޯލިޝަން ޕާޓްނަރެއްގެ ގޮތުގައި ހަރަކާތްތެރިވި އެމްޑީއޭ އިން ވަނީ ރައީސް ސޯލިހު އާއި ކޯލިޝަން ނުހެދުމަށް ނިންމައި ޕީޕީއެމް ޕީއެންސީ ގެ ރިޔާސީ ކެންޑިޑޭޓް ޑރ މުހައްމަދު މުއިއްޒު އަށް ތާއީދުކުރުމަށް ނިންމަވާފައެވެ.
މިއީ އިންތިހާބުގެ ދެވަނަ ބުރުގެ ފަހު ދުވަސްކޮޅު އެމްޑިޕީއަށް ލިބުނު ވަރަށް ނިކަމެތި ކަމެއްކަމުގައި ބައެއް ފަރާތްތަކުން ދަނީބުނަމުންނެވެ.
ރާއްޖޭގެ އެކި ހިސާބުތަކުގައި ތިބި ޑިމޮކްރެޓްސް ޕާޓީގެ މެމްބަރުން އަންނަނީ ޑރ.މުއިއްޒު އެންޑޯޒް ކުރައްވަމުންނެވެ. އަދި ސަރުކާރު ކޯލިޝަނުގައި ހިމެނޭ އަދާލަތު ޕާޓީގެ މެމްބަރުންވެސް ޑރ.މުއިއްޒަށް ތާއީދު ކުރައްވަމުން ގެންދަވާއިރު ރައީސް އިބްރާހީމްގެ ކޯލިޝަން ޕާޓްނަރ ސަން ސިޔާމުގެ އެމްޑީއޭ ވަނީ ރައީސް އިބްރާހީމަށް ކުރާ ތާއީދު އަނބުރާ ގެންދަވާފައެވެ.
ރައީސް އިބްރާހީމަށް ތާއީދު ދަށްވަމުން ދާތީ އެމްޑީޕީން ދަނީ ތާއީދު އޮތްކަމަށް ދައްކަންވެގެން ހަގީގަތާއި ހިލާފު ގިނަ ވާހަކަތައް ފަތުރަމުންނެވެ.