ފަލަސްތީނާއި އެއްކޮޅަށް ވާހަކަ ދައްކައި، ކެމްޕެއިން ކުރާފަރާތްތަކާއި ފަލަސްތީނުގެ ދިދަ ޕްރޮމޯޓު ކުރާ ކުރާ ފަރާތްތަކުގެ އެކައުންތަކަށް ފޭސްބުކް އިން އިންޒާރުގެ މެސެޖްތައް ފޮނުވަން ފަށައިފި އެވެ.
އިސްރާޢީލުގެ ޖައްބާރު ސިފައިންގެ އުދުވާނީ ހަމަލާތަކުގައި ފަލަސްޠީނުގެ ކުށެއް ނެތް އެތައް ބަޔަކު މަރުވަމުންދާއިރު އަދި ދެމުންދާ ހަމަލާތަކުގެ ސަބަބުން ޒަރޫރީ އެކިއެކި ބޭނުންތައް ފުއްދުމަށްޓަކައި ފަލަސްތީނުގެ ރައްޔިތުން މިހާރުވަނީ ނުކުޅެދިފައެވެ.
މިހަމަލާތަކުގައި މަރުވާ ކުޑަކުދިން އަދި އަންހެނުންގެ އަދަދު ގިނަ ވަމުންދާއިރު ރާއްޖޭގެ އެކި ކަންކޮޅުތަކުގައި ދަނި ފަލަސްތީނުގެ ރައްޔިތުންގެ ދިފާއުގައި ސޯޝަލް މީޑިއާގައި ކެމްޕެއިން ކުރައްވަމުންނެވެ.
އެގޮތުން ފްރީީ ފަލަސްތީނުގެ ނަމުގައި އަދި ދިވެހީން ފަލަސްތީނާއި އެކު ބޮޑުކެމްޕެއިން އެއް ކުރަމުންދާއިރު ފޭސްބުކް އިންދަނީ އެފަރާތްތަކަށް އިންޒާރު މެސެޖް ދެމުންނެވެ.
ތިޔަބޭފުޅުންގެ ކޮންޓެންޓަކީ ނުރައްކާތެރި ފަރާތްތަކާއި ޖަމްޢިއްޔާތަކާ ބެހޭ ގޮތުން އަޅުގަނޑުމެންގެ މުޖުތަމަޢުގެ މިންގަނޑުތަކާ ޚިލާފު ކޮންޓެންޓެއް- ފޭސްބުކް އިންޒާރު މެސެޖެއް-
އެހެންނަމަވެސް ދިވެހީން ތިބީ ފަލަސްތީނުގެ ރައްޔިިތުނާއި އެކު ކަން ދަނީ ފާޅުކުރަމުންނެވެ.
ފޭސްބުކް އިން ކިތަންމެ ވަރަކަށްް ރިމޫވް ކުރިޔަސް މިތިބީ ފަލަސްތީނުގެ ރައްޔިތުންނާއިއެކު- ދާންދޫ އާސިފް-
ޔަހޫދީ އިސްރާޢީލުން މިހާރު ވެސް ވަނީ ޣައްޒާއަށް ބޮން އަޅަމުންނެވެ. މި އުދުވާންތަކުގައި ޝަހީދުކޮށްލާފައިވާ މީހުންގެ ޢަދަދު މިހާރު 1,537 އަށް އަރައެވެ. އަދި، 6,612 އަށްވުރެ ގިނަ މީހުން ވަނީ ޒަޚަމު ކޮށްލާފައެވެ. ޔަހޫދީންގެ ހަމަލަތައް އަމާޒު ކުރަމުން ދަނީ ފަލަސްޠީނުގެ ކުށެއް ނެތް ޢާންމު ރައްޔިތުން ދިރިއުޅޭ ގެދޮރާއި ޢިމާރާތްތަކަށެވެ. ހޮސްޕިޓަލްތަކާއި ޞިއްޙީ ޚިދުމަތް ފޯރުކޮށްދޭ ތަންތަނަށެވެ. އެމްބިޔުލާންސްތަކަށް ވެސް ރައްކަލެއް ނެތެވެ.