އޮޕަރޭޝަން ތޫފާން އަގްސާއަކީ އިޒްރޭލު ނިމިދިއުމުގެ ފެށުން ކަމަށާއި މިއަދު ޒަޔަނިސްޓުންގެ ފޭކް އައިޑެންޓިޓީ ހާމަވެ، އެމީހުންގެ ބާކީ އޮތީ ހުސްތޮށިގަނޑެއް ކަމަށް އީރާނުގެ އިސްލާމިކް ރިވޮލިއުޝަން ގާޑްސް ކޯޕްސް (އައިއާރްޖީސީ)ގެ ޗީފް ކޮމާންޑަރު ވިދާޅުވެއްޖެއެވެ.
ހަމާސްގެ ރެސިސްޓެންސް ގްރޫޕުން އިސްރާއީލަށް ދިން ކުއްލި ހަމަލާ ޗީފް ކޮމާންޑަރު ސިފަ ކުރައްވަނީ އިސްރާއީލުގެ ވެރިކަން ވެއްޓުމުގެ ފުރަތަމަ ފިޔަވަޅުގެ ގޮތުގައެވެ.
މިދިޔަ ސެޕްޓެމްބަރު މަހުގެ ހަތް ވަނަ ދުވަހު ހަމާސް ޖަމާއަތުން ހިފާފައިވާ ސަރަހައްދުތަކުގެ ތެރޭގައި ބޮޑު އޮޕަރޭޝަނެއް ހިންގާފައިވާއިރު ފަލަސްތީނުގެ އެތައް ހާސް ރޮކެޓްތަކެއް ވަނީ އިސްރާއީލުގެ އެކި ދިމަދިމާއަށް ފޮނުވާފައެވެ.
“މިއަދު އެންމެންގެ އިއުތިރާފުން ޒަޔަނިސްޓް ސަރުކާރަށް ނާކާމިޔާބީގެ އިތުރުން ނިކަމެތިކަން ވެސް ލިބުނީ، އެހެން ބާރަކަށް ބަރޯސާ ނުވެ ހަމާސް އިން އެކަނި ވެސް އެ މީހުންނަށް ބޮޑު ނާކާމިޔާބީއެއް ދީފި،” އައިއާރްޖީސީގެ އެއްވުމެއްގައި ހުސައިން ސަލާމީ ވިދާޅުވިއެވެ.
“ހަމާސްގެ އޮޕަރޭޝަނާ އެކު އިސްރާއީލުގެ އިސްތިއުމާރީ ބާރު ކެނޑި، އޭގެ ހަގީގީ ބަލިކަށިކަން އެންމެންނަށް ވެސް ހާމަވެއްޖެ، މިއަދު ޒަޔަނިސްޓް ވެރިކަމުގެ ފޭކް އައިޑެންޓިޓީ ފުނޑުފުނޑުވެ، ހުސް ތޮށްޓެއް ފިޔަވައި އެހެން އެއްވެސް އެއްޗެއް ބާކީ ނެތް،” އޭނާ ވިދާޅުވި އެވެ.
އިސްރާއީލުން ވަށާލާފައިވާ ޣައްޒާގެ މަދަނީ ތަންތަނަށް ހުއްޓުމެއްނެތި ބޮން އެޅުމުގެ މައްސަލައަށް ވެސް ސަލާމީ ތަގުރީރު ކުރައްވަމުން ވިދާޅުވީ ކުށެއް ނެތް ކުޑަކުދިން މަރައިގެން ވެރިކަން ނުދެއްކޭނެ ކަމަށެވެ.
އިޒްރޭލުގެ އަލިފާނުގެ ހަމަލާތަކުގައި މިހާތަނަށް ގާތްގަނޑަކަށް 3000 މީހުން ވަނީ މަރުވެފަ އެވެ. ފަލަސްތީނުގެ އެތައް ސަތޭކަ ކުޑަކުދިންނެއް މަރުވި މީހުންގެ ތެރޭގައި ހިމެނޭ އިރު، ޣައްޒާއަށް “ފުލް ވަށާލުމުގެ” ސަބަބުން ހާލަތު ވަރަށް ބޮޑަށް ގޯސްވެދާނެ ކަމުގެ ބިރު ވަނީ ބޮޑުވެފަ އެވެ.
އެ ސަރަހައްދު ކަރަންޓު ގެއްލުމުން ޣައްޒާގެ ހޮސްޕިޓަލްތައް މޯޗަރީތަކަށް ބަދަލުވާނެ ކަމުގެ އިންޒާރު ޑޮކްޓަރުން ވަނީ ދީފަ އެވެ. އެންކްލޭވްގެ ތެރޭގައި އިންސާނީ އެހީތެރިކަން ފޯރުކޮށްދިނުމަށް ސަރުކާރުން ފުރުސަތު ނުދިނުމުން ފެނާއި ކާބޯތަކެތީގެ ދަތިކަން ވެސް ދަނީ އިތުރުވަމުންނެވެ.
“މިދިޔަ އަހަރު އިސްލާމީ އިންގިލާބާ ކުރިމަތިލާން އައީ ބޮޑާކަމާއި ކިބުރުވެރިކަމާއެކު މަތިހަށިނަގައިގެން. މާތް اللهގެ ރަހްމަތްފުޅުން އެކަން ކާމިޔާބެއް ނުވި، އަދި މިއަހަރު އެމީހުންނަށ ކުޑަމިނުން ޒަޔަނިސްޓުންގެ ލަދުވެތި ބޮޑު ނާކާމިޔާބީ ވެސް ފޮރުވައިނުލެވުނު،” ސަލާމީ ވިދާޅުވި އެވެ.
ދާދި ފަހުން އިސްރާއީލުން އިސްރާއީލާ ދެކޮޅަށް ފަލަސްތީނުން ދިން ޙަމަލާތަކަކީ ހަމައެކަނި ހިފާފައިވާ ސަރަޙައްދުތަކަށް އެކަނި ދިން ޙަމަލާއެއް ކަމުގައިވީނަމަވެސް، އެކަމުގެ ސަބަބުން އައުޓްރީޗިންގ އަސަރެއް ކޮށް، މުޅި ހުޅަނގު އޭޝިއާ ސަރަޙައްދަށް ބަދަލުތަކެއް އަންނާނެކަމަށް ކޮމާންޑަރު ވިދާޅުވިއެވެ.