ރާއްޖޭގެ ސިއްޙީ ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު އަށް ވެރިކަން ކުރަން ފުރުސަތު ދޭން ޖެހޭ ކަމަށާއި، އަދި މިސަރުކާރަކީ ރައްޔިތުންގެ އުއްމީދުތަކާއި ގުޅިފައިވާ ސަރުކާރެއް ކަމަށާއި ރައްޔިތުންގެ އުއްމީދަކީ ޑރ މުއިއްޒު ކަމަށް އިމިގްރޭޝަން ކޮންޓްރޯލަރ މުހައްމަދު ޝައްމާން ވަހީދު ވިދާޅުވެއްޖެއެވެ.
ޝައްމާން މިހެން ވިދާޅުވީ އެކްސްގައި ކުރެއްވި ޕޯސްޓެއްގައި އެވެ.
ސިޔާސީ ފިކުރުގެ އަދި ސިޔާސީ ފިކުރު ނެތް އެތަކެއް ރައްޔިތުންގެ އުއްމީދުތައް ގުޅިފައިވަނީ ރައީސް @MMuizzu ވައުދުފުޅު ތަކާ! ވެރިކަން ކުރައްވަން ފުރުސަތު ދޭން ޖެހޭ. މި ޤައުމު ވެއްޓިފައި މިވާ އަނދަވަޅުން އަނބުރާ ކޮޅަށް ޖަހަން ރައީސް އާއެކު ތިބުން މުހިއްމު -ޝައްމާން-
ޝައްމާން އަކީ ރައީސް ސޯލިހުގެ ވެރިކަމުގައި އިމިގްރޭޝަން ގެ ވަޒީފައިން ގަވާއިދާއި ހިލާފަށް ވަކި ކުރި ފަރާތެކެވެ. އެހެންނަމަވެސް ވަޒީފާ ބެހޭ ޓްރައިބިއުނަލުން ނިންމާފައިވަނީ ޝައްމާން ވަޒީފާއިން ވަކިކޮށްފައިވަނީ ގަވާއިދާއި ހިލާފަށްކަން ނިންމާފައެވެ.
ރައީސް ޔާމީން ޕާޓީން ވަކިވުމާއި ގުޅިގެން ސަރުކާރުގެ ހުރިހާ ވަޒީރުންނާއި ޕީޕީއެމް ޕީއެންސީ ގެ މެމްބަރުންދަނީ ޑރ މުއިއްޒު އާއި ތިބިކަން ހާމަކުރައްވަމުންނެވެ.