މޯލްޑިވްސް ޕޯޓްސް ލިިމިޓެޑް (އެމްޕީއެލް) ގެ ސީއީއޯގެ މަގާމަށް މުހައްމަދު ވަޖީހު އިބްރާހިމް ހަމަޖައްސަވައިފި އެވެ.
އެމްޕީއެލްގެ މުވައްޒަފުންގެ ނަމުން ނަމަ ވަޖީހުބެ އަކީ މުވައްޒަފުންގެ އިހްތިރާމާއި ލޯބި ލިބިފައިވާ ހިންގުންތެރި ބޭދުޅެކެވެ.
އެމްޕީއެލްގެ އޮޕަރޭޝަން ހިނގާ ގޮތާއި ކުންފުނި ހިންގުމުގައި ތަޖުރިބާ ހުރި ވަޖީހު މާދަމާ އެމްޕީއެލްގެ ސީއީއޯގެ މަގާމުގައި މަސައްކަތް ފައްޓަވާނެއެވެ.
ވަޖީހަކީ 2013 އިން ފެށިގެން 2022 ވަނަ އަހަރާ ހަމައަށް އެމްޕީއެލްގެ އިސް މަގާމުތަކެއް ފުރުއްވި ބޭފުޅެކެވެ. އޭނާ އެމްޕީއެލްގައި ހޭދަކުރެއްވި ނުވަ އަހަރުގައި ވަނީ އެކުންފުނީގެ އެސިސްޓެންޓް ޖެނެރަލް މެނޭޖަރު ކަމާއި ޖެނެރަލް މެނޭޖަރު ކަމާއި އެސިސްޓެންޓް ސީއީއޯކަން ވެސް ފުރުއްވައިފަ އެވެ.
އެމްޕީއެލްގެ ވަޒީފާއަދާ ކުރެއްވުމުގެ ކުރިން އޭނާ ވަނީ ރާއްޖޭގެ ގިނަ ސްކޫލުތަކެއްގެ ޕްރިންސިޕަލްކަމުގެ މަގާމު ފުރުއްވާފަ އެވެ. އަދި އެޑިއުކޭޝަން މިނިސްޓްރީގެ ފައިނޭންސް ޑިޕާޓްމެންޓްގައި ވެސް އޭނާ މަސައްކަތް ކުރެއްވި އެވެ.
ވަޖީހު ވަނީ އިނގިރޭސިިވިލާތުގެ އެންގްލިއާ ރަސްކިން ޔުނިވާސިޓީއިން އެމްބީއޭ ހާސިލުކުރައްވާފަ އެވެ.