ހިތަދޫ ޕޯޓްގައި ރަސްމީކޮށް ހެލްތު،ސޭފްޓީ އެންޑް އެންވަޔަރމަންޓު ޔުނިޓެއް އިފްތިތާހުކޮށް މުވައްޒަފުންނަށް ހާއްސަކޮށްގެން ތަމްރީންތަކެއް ބާއްވައިފިއެވެ.
މިޔުނިޓް އިފްތިތާޙް ކޮށްދެއްވީ އެމްޕީއެލް ގެ ސީއީއޯ މުޙައްމަދު ވަޖީޙް އިބްރާހިމްއެވެ. މިޔުނިޓް ހުޅުވުމަށް ފަހު ހިތަދޫ ޕޯޓުގައި މަސައްކަތް ކުރާ މުވައްޒަފުންނަށް ހާއްސަކޮށްގެން ޑްރިލް އެއް ވަނީ ބާއްވާފައެވެ.
މި ޑިރިލް އިފްތިތާހުކޮށްދެއްވީ އެމްޕީއެލްގެ ސީއީއޯ ވަޖީހެވެ.
މި ޑްރިލް ރަސްމީކޮށް ފެށުމުގެ ގޮތުން ސީއީއޯ ވަޖީހު ވަނީ ޚާއްސަ ކޮމާންޑެއް ދެއްވާފައެވެ.
މި ޑްރިލް ގައި އެމް.އެން.ޑީ.އެފް އާއި އައްޑޫ އީކުއެޓޯރިއަލް ހޮސްޕިޓަލްއިން ވަނީ ބައިވެ އެހީތެރިކަން ފޯރުކޮށްދީފައެވެ. ޑިރިލް ނިމުމުން ބައިވެރިންނަށް ވަނީ ހަނދާނީ ލިޔުން އަރުވާފައެވެ
ސީއީއޯ ވަޖީހު ވަނީ އައްޑޫ ސިޓީ ހިތަދޫ ޕޯޓަށް ކުރައްވަމުންގެންދަވާ މި ދަތުރުފުޅުގައި ހިތަދޫ ޕޯޓު އޭރިއާ ބައްލަވައި، މުވައްޒަފުންނާ ބައްދަލު ކޮށް ހުރި ދަތިތަށް އައްސަވައި އަވަސް ހައްލެއް ހޯއްދަވައި ދެއްވާނެކަމުގެ ޔަޤީންކަން އަރުވާފައެވެ.
ވަޖީހު މީގެ ކުރިން ބުނެފައިވަނީ އެކުންފުނީގެ އެންމެ ބޮޑު ރައުސްމާލަކީ މުވައްޒަފުން ކަމަށާއި، މުވައްޒަފުންނާއި ދޭތެރޭ ހާއްސަ ސަމާލުކަމެއްދީގެން މަސައްކަތް ކުރާނެ ކަމަށެވެ.
އެމްޕީއެލަށް ވަޖީހު އައްޔަން ކުރެވުނު ހިސާބުން އެމްޕީއެލްގެ ހިންގުމަށް ހެޔޮބަދަލުތަކެއް އަަންނަމުންދާ ކަމަށް ގިނަބަޔަކު ދަނީ ފާހަގަ ކުރަމުންނެވެ. ހާއްސަކޮށް މުވައްޒަފުންނާއި ގުޅިގެން ކުރެވޭ މަސައްކަތްތަކުގައި ފުރިހަމަ ނަތީއްޖާ ދަނި ދައްކަވަމުންވެ.
ރައީސުލްޖުމްހޫރިއްޔާގެ ޑޮކްޓަރ މުހައްމަދު މުއިއްޒުގެ އެންމެ ބޮޑު އެއްވިސްނުމަކީ ސަރުކާރުގެ އެސްއޯއިތައް ހިންގުން ހަރުދަނާ ކުރުމުވެ. އަދި މަސައްކަތުގެ ޝައުގުވެރިކަމާއި އެކު ވަގުތު ދެވޭނެ ބޭފުޅުންނަށް އިސްކަންދެއްވާނެކަމަށް ރައީސް ވަނީ ވިދާޅުވެފައެވެ.