ބްރިޖްގެ މަސައްކަތެއް ކުރުމަށްޓަކައި ސިނަމާލެ ބްރިޖް މިރޭ ދެގަޑިއިރަށް ބަންދުކުރުމަށް ނިންމައިފިއެވެ.
ފުލުހުން ވިދާޅުވީ ސިނަމާލެ ބްރިޖުގައި މަސައްކަތެއް ކުރުމަށްޓަކައި ބްރިޖުގެ މާލެ އިން ހުޅުމާލެ އަށްދާ ފަޅި މިރޭ 1:00 އިން ފެށިގެން ދެގަޑިއިރަށް ބަންދުކުރަން ނިންމާފައިވާ ކަމަށެވެ.
އެވަގުތުގައި ބްރިޖުގެ ހުޅުމާލެ އިން މާލެއަށް އަންނަ ފަޅި ދެކޮޅަށް ދުއްވާގޮތަށް ބަދަލުކުރެވޭނެ ކަމަށް ފުލުހުން ވިދާޅުވިއެވެ.
އެ ވަގުތު ބްރިޖުން ދަތުރުކުރައްވާއިރު، އެ ސަރަހައްދުގައި ހަރަކާތްތެރިވާ ފުލުހުންގެ އިރުޝާދުތަކާ އެއްގޮތަކަށް އަމަލުކުރެއްވުމަށް ފުލުހުން ވަނީ އިލްތިމާސްކޮށްފައެވެ.