ގދ.ފިޔޯރީ އިހުތިސޯސް ގަ ހިމެނޭ ކާޅެހުއްޓާ އިން ލޯކަލް ޓޫރިޒަމް އަށް ތަރައްޤީ ކުރުމަށް އެލްޔޫޕީ ހިމަނާފައިވާ 4.5 ހެކްޓަރ ބިން ލޯކަލް ޓޫރިޒަމް އަށް ތަަރައްޤީ ކުރުމަށް ބިޑަށް ހުޅުވާލި ފުރުސަތުގަ އެ ބިޑް ކާމިޔާބު ކުރި އަލް އަމާން ވޯލްޑް ކެޕިޓަލް ސެންޓަރ ޕްރައިވެޓް ލިމިޓެޑާއި ސެކްރެޓްރޭޓް އޮފް ދަ ސައުތު ހުވަދޫ އެޓޯލް ފިޔޯރީ ކައުންސިލް އާއި ދެމެދު އެއްބަސް ވުމުގައި ސޮއި ކޮށްފިއެވެ.
މިއަދު ފިޔޯރީ ކައުންސިލް އިދާރާ ގައި ކުރެވުނު އެއްބަސް ވުމުގައި އެ ސަރަހައްދު ގައި ލޯކަލް ޓޫރިޒަމް ހިންގުމަށް 50 އަހަރުގެ މުއްދަތަށް ވަނީ އެއްބަސް ވެފައެވެ މި އެގްރީމެންޓްގެ ދަށުން 6 މަސްދުވަހުގެ ތެރޭގައި އެ ބިމުގެ އަމަލީ މަސައްކަތް ފަށާ ދެއަހަރު ތެރޭގަ ޚިދުމަތް ދޭން ފަށަންޖެހެއެވެ. އަދި މި އިންވެސްޓްމެންޓަކީ ފޮރިން އިންވެސްޓް މެންޓެއް ކަން ފާހަގަ ކޮއްލެވެއެވެ.
ފިޔޯރީ ރައީސް ފައިޒަރު ރަޝީދު ވިދާޅުވީ މިފަހަރުގެ އިންވެސްޓް ކާމިޔާބުވެ ރައްޔިތުންނަށް އޭގެ މަންފާ ލިބިގެންދިއުމަކީ ރައްޔިތުން އެންމެންގެ އުންމީދު ކަމަށެވެ.
ފިޔޯރީ އަކީ ހުވަދު އަތޮޅުގެ އެންމެ ރީތި ރަށްތަކާއި ގުދުރަތީ ރީތިކަން އެންމެ ބޮޑަށް ފާހަގަ ކުރެވޭ އެއް ސަރަހައްދެވެ.