ގަލޮޅު ދަނޑުގައި ހިނގި ހަމަނުޖެހުންތަކާއި ގުޅިގެން 10 މީހަކު ހައްޔަރުކޮށްފިއެވެ.
މި ހަމަނުޖެހުންތައް ހިނގާފައިވަނީ އެމްޕީއެލް ދެވަނަ ޑިވިޝަން ފުޓްބޯޅަ މުބާރާތުގެ ކުއާޓާ ފައިނަލުގައި މިމަހުގެ 7 ވަަނަ ދުވަހު ވިކްޓަރީ ސްޕޯޓްސް ކުލަބާއި ކުޑަ ހެންވޭރު ބައްދަލުކުރި މެޗުގައިއެވެ.
ފުލުހުން މީޑިއާތަކަށް ފޮނުވި މެސެޖެއްގައި ބުނީ އެ ދުވަހުގެ މެޗު ހިނގަމުންދަނިކޮށް ބަޔަކު މީހުން ދަނޑު މައްޗަށް އަރާ، ވިކްޓަރީގެ ކުޅުންތެރިންނާއި އޮފިޝަލުންނާމެދު ހަމަނުޖެހުން ހިންގާފައިވާކަމަށެވެ. އަދި އެކަމާއި ގުޅިގެން 10 މީހަކު މިހާރު ހައްޔަރުކޮށްފައިވާ ކަމަށެވެ.
މި މައްސަލަ މިހާޜު ތަހުޤީގުކުރަމުންދާކަމަށްވެސް ފުލުހުން ވިދާޅުވެއެވެ.