ރައްޔިތުންގެ މަޖިލީހުގެ ރައީސް މުހައްމަދު އަސްލަމާއި ނައިބު ރައީސް އަހުމަދު ސަލީމް މަގާމުން ވަކި ކުރުމުގެ މައްސަލަ އަނބުރާ ގެންގޮސްފި އެވެ.
ސަރުކާރު ހިންގާ ޕާޓީ، ޕީއެންސީ އިން އަސްލަމާއި ސަލީމްގެ އިތުބާރު ނެތްކަމުގެ މައްސަލަ މަޖިލީހަށް ހުށަހެޅީ މިދިޔަ މަހުގެ 28 ގަ އެވެ.
އެ މައްސަލާގައި އެ ދެ ބޭފުޅުންނަށް މަޖިލީހުން ވަނީ ނޯޓިސް ފޮނުވައިފަ އެވެ. އެ މައްސަލަ ކުރިއަށް ގެންދިއުމަށް ވަގުތު ކަނޑައެޅުން މިއަދު މަޖިލީހުގެ އާންމު ކޮމިޓީގައި އޮތީ ތާވަލު ކޮށްފަ އެވެ.
ނަމަވެސް ޕީއެންސީގެ ގިނަ މެންބަރުން މިހާރު ވަނީ ސޮއި އަނބުރާ ގެންގޮސް އެ މައްސަލަ ނަގައިފަ އެވެ.
އަސްލަމާއި ސަލީމް މަގާމުން ވަކިކުރުމަށް މަޖިލީހުގެ އަޣުލަބިއްޔަތު ބޭނުންވާއިރު މަޖިލީހުގައި އަދިވެސް ބޮޑު އަޣުލަބިއްޔަތެއް އޮތީ އެ ދެ މެންބަރުން ނިސްބަތްވާ އިދިކޮޅު އެމްޑީޕީގެ އަތުގަ އެވެ.
މިކަމާއި ގުޅިގެން ޕީއެންސީގެ މަޖިލިސް މެމްބަރަކު ހުވަދޫއަށް ވިދާޅުވީ، މިއީ މިމައްސަލަ ކުރިއަށް ގެންދަން އެންމެ މުނާސަބު ވަގުތު ނޫންކަމަށް ފެންނާތީ މައްސަލަ އަނބުރާ ގެންދިޔައީ ކަމަށެވެ.
އެ ޕާޓީން ގިނަ އަދަދެއްގެ މެންބަރުން އެއްފަހަރާ ވަކިވެ، ޕީއެންސީއާ ގުޅިވަޑައިގެންފައި ވިޔަސް 24 މެންބަރުންނާ އެކު ޕީއެންސީ އަކީ މަޖިލީހުގެ މައިނޯރިޓީ ޕާޓީ އެވެ.