ގދ މަޑަވެލީ ޓީއެސް އެކްސްޕްރެސް ޒަމާނީ ފަސޭހަ ތަކާއެކު މާލެއާއި ހުވަދޫ އާއި ދެމެދު މުދާ އުފުލުމަށް ދަތުރު ފަށަން ތައްޔާރު ވެއްޖެއެވެ.
ފިނިކޮށް ބަހައްޓައިގެން ރަށް ރަށަށް ފޯރުކޮށްދޭން ޖެހޭ ބާވަތްތައް ސްޓޯ ކުރެވޭނެ ބޮޑެތި ޗިލަރު ހަދާފައިވާ މި ބޯޓުގެ ދަތުރުތައް މި ހަފްތާގައި ފަށާނެ ކަމަށް ބޯޓުގެ ވެރިފަރާތުން ހުވަދޫ މީޑިއާ އަށް މައުލޫމާތު ދީފައިވެއެވެ.
އެ ފަރާތުން ބުނި ގޮތުގައި ބޯޓު ފަރުމާ ކޮށް ތައްޔާރު ބަނދެފައި ވަނީ މުދާ ބޭލުމުގައި ވެސް އަވަސް ވުމާއި ފަސޭހަ ވާނެ އެވެ. އެގޮތުން އިލެކްޓްރޯނިކް ބެލްޓް އަދި ކްރޭން ބޭނުން ކޮށްގެން މުދާ ބޭލޭ ނެ ގޮތް އެ އުޅަނދު ގައި ހުންނާނެ ކަމަށް ބުނެއެވެ.
އޭގެ އިތުރުން އައިސް ކޮންޓެއިނަރތައް ފުދޭ ވަރަށް ބޮޑުވެފައި ގިނަ އަދަދެއްގެ މޭވާ ތަރުކާރީ އަދި ކުކުޅު ފަދަ ބާވަތްތައް އޭގެ އެންމެ ފުރިހަމަ ޓެމްޕަރޭޗަރ ގައި އުފުލޭނެ ވަސީލަތްތައް ވަނީ ޓީއެސް އެކްސްޕްރެސް ބޯޓުގައި ޤާއިމު ކޮއްފައެވެ.
ހަމަ އެކަނި މުދާ އުފުލުމަށް މުޅިން އަލަށް ބަނދެފައިވާ މި ބޯޓުގެ ފުރަތަމަ ދަތުރު ފެށުމަށް ހަމަޖެހިފައި ވަނީ މަޑަވެލިން ތިނަދޫ ސިޓީ އަށް އަދި އޭގެ ފަހުގައި މާލެ ސިޓީ އަށެވެ.
މި ބޯޓުން މުދާ އުފުލުމަށް ބޭނުންވާ ފަރާތްތަކުން އިތުރު މައުލޫމާތު ހޯދުމަށް 9488880 ނަންބަރ ފޯނަށް ގުޅުމުން އެ މަޢުލޫމާތު ލިބޭނެއެވެ.