ފެމިލީ ކޯޓުން އާންމުކޮށްފައިވާ އިއުލާނެއްގައި ބުނެފައިވާ ގޮތުން ރަމަޟާން މަހު ކައިވެނިކޮށްދިނުމަށް ހަމަޖެހިފައިވާ ގަޑިތަކަކީ، ކޯޓުގައި ކައިވެނިކުރާނަމަ، ރަސްމީ ދުވަސްތަކުގެ 09:30 އިން 12:30 އަށެވެ. އަދި ރޭގަނޑު 21:30 އިން 23:30 އަށެވެ.
ކޯޓުން ބޭރުގައި ކައިވެނިކުރާނަމަ، ހަފުތާގެ ކޮންމެ ދުވަހެއްގެ 21:30 އިން 23:30 އަށް ކައިވެނިކޮށްދޭނެ ކަމަށް ވެސް ފެމިލީ ކޯޓުން ބުނެފައިވެއެވެ.
އެ ކޯޓުން ބުނި ގޮތުގައި، ޝައްވާލު މަހުގެ ފުރަތަމަ ހަތް ދުވަހު ކޯޓުގައި ކައިވެނިކޮށްދިނުމަށް ހަމަޖެހިފައިވަނީ ރަސްމީ ކޮންމެ ދުވަހެއްގެ 09:30 އިން 12:30 އަށް އަދި 16:00 އިން 17:30 އަށެވެ. އޭގެ އިތުރުން، ރޭގަނޑު 19:30 އިން 21:30 އަށް ކައިވެނި ކޮށްދޭނެ ކަމަށް ވެސް އެ ކޯޓުން ވަނީ ބުނެފައެެވެ.
ޝައްވާލު މަހުގެ ފުރަތަމަ ހަތް ދުވަހު ކޯޓުން ބޭރުގައި ކައިވެނިކޮށްދޭ ގަޑިތަކަކީ ކޮންމެ ދުވަހެއްގެ 16:00 އިން 17:30 އަށެވެ.
މިއަހަރުގެ ޝައްވާލު މަހުގެ ފުރަތަމަ ހަތް ދުވަހުގައި ސަރުކާރުގެ ރަސްމީ މަސައްކަތު ގަޑިކަމުގައި ހަމަޖައްސާފައިވަނީ ހެނދުނު 9:00 އިން މެންދުރުފަހު 1:00 އަށެވެ.