ސޯޝަލް މީޑިއާގައި ފާޑުކިޔާ ކަމަށް ބުނެ އެސްޓީއޯގެ ރީޖަނަލް ފާމަސީ މެނޭޖަރެއްގެ މަގާމުގައި ހުންނެވި މީހެއްގެ މަގާމު ސްޓޮކް އޮފިސަރެއްގެ މަގާމަށް ދަށްކުރި ކަމަށް ބުނެ މީޑީއާތަކުން ކޮށްފައިވާ ހަބަރަކަށް އިޝާރާތް ކުރައްވައި ، އެމަނިކުފާނާ ދިމާލަށް އެއްޗެކޭ ވިދާޅުވެގެން ސަރުކާރުގެ އެއްވެސް މުވައްޒަފަކަށް ފިޔަވަޅެއް ނާޅުއްވާނެ ކަމަށް އަދި އެފަދަ ކަމަކަށް ފަހު ފިޔަވަޅެއް ނާޅުއްވާނެ ކަމަށް ވިދާޅުވާން ޖެހުނު ސަބަބު ރައީސް ތިލަކޮށްދެއްވިައިފި އެވެ.
ޅ. ކުރެންދޫ ރައްޔިތުންނާ ވާހަކަފުޅު ދައްކަވަމުން ރައީސް ވިދާޅުވީ ފާޑުކިޔުންތައް ބަލައިގަންނަ ކަަމަށެވެ. އަދި އެކަމަށް މަރުހަބާވެސް ކިޔާ ކަމަށް ވިދާޅުވިއެވެ.
"އަޅުގަނޑާ ދިމާލަށް އެއްވެސް މީހަކު އެއްޗެކޭ ބުނެގެން ފިޔަވަޅެއް ނާޅާނަން. އަޅުގަނޑު ބޭނުންވަނީ ރައްޔިތުންގެ އަޑުއަހަން. ކްރިޓިސައިޒްކުރަންވާނެ، އެއީ ހެޔޮ ނިޔަތުގައި ކަންކަން ރަނގަޅުކުރަން ވިދާޅުވާ އެއްޗެއްނަމަ މަރުހަބާ ކިޔާނަން" ރައީސް ވިދާޅުވިއެވެ.
ރައީސް ވިދާޅުވީ "މިހެން މިދަންނަވަން ޖެހުނީ އިހަށް ދުވަހު ނޫހުން ފެނުނީ ސަރުކާރު ކުންފުންޏަކުން ފިޔަވަޅު އެޅީ ކަމަށް" ރައީސް ޑރ މުއިއްޒު ވިދާޅުވީ މުވައްޒަފަށް ފިޔަވަޅު އެޅީ އެހެން މައްސަލައެއްގައި ކަމަށް ކުންފުނީގެ އެމްޑީ އެމަނިކުފާނަށް މައުލޫމާތު ދެއްވާފައިވާ ކަމަށެވެ. އަދި އެކަން ރައްޔިތުންނަށް ހާމަކޮށްދޭން އެ ކުންފުނީގެ އެމްޑީ ގާތު އެދިވަޑައިގެންފައިވާ ކަމަށްވެސް ރައީސް ވަނީ ވިދާޅުވެފައެވެ.