" ރެހެންދި " އެވޯޑަށް ނަން ހުށަހެޅުގެ ފުރުސަތު ހުޅުވާލައިފި

މި އެވޯޑަށް ކުރިމަތިލުމުގެ ފުރުސަތު ހުޅުވައިލިކަން ހާމަކުރީ މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓްއިން މިއަދު އާންމުކުރި ވީޑިއޯއެއްގައެވެ.

މި އެވޯޑަކީ އެކިއެކި ދާއިރާއިން ގައުމަށް ޚިދުމަތް ކުރައްވަމުން ގެންދަވާ އަންހެން ބޭފުޅުންގެ އަގުވަޒަން ކުރުމުގެ ގޮތުން ދެމުން އަންނަ އެވޯޑެކެވެ.

އޭގެތެެރޭގައި ގައުމީ ތަރައްގީއަށާއި މުޖުތަމައު ބިނާ ކުރުމަށް އަންހެނުން އަދާކުރާ ދައުރާއި މުޖުތަމައުގައި އަންހެނުންގެ ހައްގުތައް ރައްކާތެރިކުރުމަށާއި އަންހެނުންގެ ކުރިއެރުމަށް ވަކި ފަރުދުންނާއި މުއައްސަސާތަކާއި ޖަމްއިއްޔާތަކާއި ޖަމާއާތްތަކުން ކުރަމުންދާ މަސައްކަތްތަކުގެ އަގު ގައުމީ ފެންވަރެއްގައި ވަޒަން ކުރުން ހިމެނެއެވެ.

ސޯޝަލް އެންޑް ފެމިލީ މިނިސްޓްރީން ބުނީ މި އެވޯޑު ދިނުމާ ގުޅޭ އުސޫލާއި ފޯމު އެ މިނިސްޓްރީގެ ވެބްސައިޓް މެދުވެރިކޮށް ލިބެން ހުންނާނެ ކަމަށެވެ.