ދައުލަތުގެ ފަރާތުން ބަލަހައްޓާ ކުޑަކުދިން ތިބޭ މަރުކަޒު، “ފިޔަވަތި” އަށް އެމްޕީއެލް އިން މަސް ދަޅު ކޭސް ހަދިޔާކޮށްފިއެވެ.
އެމްޕީއެލް އިން ބުނީ އެ ކުންފުނީގެ އިޖުތިމާއީ ޒިންމާގެ ހަރަކާތްތަކުގެ ތެރެއިން ފިޔަވައްޗަށް 35 ދަޅު މަސް ކޭސް ހަދިޔާކޮށްފައިވާ ކަމަށެވެ.
އެމްޕީއެލްގެ ފަރާތުން މަސް ދަޅު ކޭސްތައް ރަސްމީކޮށް ހަވާލުކޮށް ދެއްވީ އެމްޕީއެލްގެ ޗީފް އޮފް ބިއުރޯ އައިޝަތު ޝިމްލާ އާއި ޖެނެރަލް މެނޭޖަރު އަހުމަދު ސަލީމާއި ޖެނެރަލް މެނޭޖަރު އަލީ ޖައުފަރެވެ.
އެމްޕީއެލްގެ ސީއެސްއާރްގެ ދަށުން މީގެ ކުރިންވެސް ފިޔަވައްޗަށް ވަނީ ތަފާތު އެހީތައް ފޯރުކޮށްދީފައެވެ. އަދި ކުރިއަށް އޮތް ތަނުގައި އެ މަރުކަޒަށް ބޭނުންވާ އެކި ކަންތައްތަކުގައި ކުންފުނީގެ އެއްބާރުލުމާއި އެހީތެރިކަން ލިބިގެންދާނެ ކަމަށް އެމްޕީއެލް އިން ބުންޏެވެ.