ރީތި ރޭގަނޑެކެވެ. ފިނި ހަނދުވަރުތެރޭގައި ތަރިތަކުގެ ބެބުޅުން ފަނޑުވެފައިވާ އުދަރެހުގެ ހިތްގައިމު ކަމަށް ބަލަން އިންއިރު ހިތަށް އެރިއެވެ. ގުދުރަތުގެ ރީތިކަމަކީވެސް ހާދަހާވާ އަޖައިބުކުރުވަނިިވި އަސަރުތަކަކާއި އިހުސާސްތަކެކެކެވެ. ގޮނޑުދޮށަށް ބީއްސާލާ ރާޅުތަކުގެ ބުނެދޭން ނޭނގޭ ނަލައަޑުގެ ތެރެއިން ފިނިވައިރޯޅިތަކާއެކު ޖެހިލާ ދެފަތްދެފަތެއްގެ އަޑާއެކުވެގެން އައިސް އަހަރެންގެ ކަންފަތުގައި އެޖެހުނީ ހިތް އުތުރިގެން ދިޔަފަދަ އަޑެކެވެ. ގައިން ހީބިހި ނަގައިގެން ދިޔައީ ހިތާއިސިކުނޑިއަށް އައިބަދަލަކާއެކު މުޅި ހަށިގަނޑުގައި ހިނގަމުންދިޔަ އެންމެ ހިމަ ނާރަށްވެސް އަސަރު ކުރީތީކަން ޔަގީނެވެ.
ރަށުގެ އަތިރިމަތީގައި ރޭގަނޑުގެ މިގަޑީގައި އަހަރެންފަދަ އެހެން މޮޔައަކުވެސް އެބައުޅޭކަމުގެ އިހުސާސްކުރެވިފައި ހީނލެވުނެވެ. އެކުވެރިންގެ މެހެފިލުތައް ދޫކޮށްލާފައި އަޑުގަދަ ކުލަގަދަ ފަސްބައިތައް ވިހުރުވެމުންދިޔަ ޝޯވއާއި ޕާޓީ ދޫކޮށްލާފައި މިދިމާއަށް ފައިބައިގެން އައީ ހިތްހަމަޖަައްސާލުމަށެވެ. އަހަރެންގެ ހިތަކީ ހަމަހުސްހިތެކެވެ. އެހިތުގައި އެއްވެސް ރާނީއަކު އަމީރާއަކު ކަމަނާއަކު ނެތެވެ، އެހެންނަމަވެސް މިފަދަ ގުދުރަތީ ހިތްގައިމު މަންޒަރުތަކުން ހިތަށް ލިބޭ ހަމަޖެހުމާއި އަރާމު ބުނެދޭކަށް ނޭނގެއެވެ.
އެހެންނަމަވެސް މިރޭ ހީވަނީ މަގޭ ހުސްހިތުގައި ނިޔަނެތި ފިރުމުމަކުން ބީހިލައިފިހެންނެވެ. އަހަރެން އިށީނދެ އިނީ އަތިރިމައްޗަށް ނުކުންނަ މީހުން ފިނިކޮށްލަން ބަހައްޓާފައި ހުންނަ ޖޯލިތަކުން ޖޯއްޔެއްގައެވެ. މަޑުމަޑުން އެނަލަނަލަ ޖާދުވީ އަޑު އަންނަނީ ކައިރިވަމުންކަމުގެ އިހުސާސް ކުރެވެމުން ދިޔައެވެ. އަމުދުން އޭނާ ކިޔަމުން އެއަންނަ އަށްޑިހައިގެ އަހަރުތަކުގެ ލަވައިންވެސް އިތުރަށް އަޖައިބުވިއެވެ. މިއޮއް ފަދަ ޒަމާނުގައިި އެހާ މުސްކުޅި ހިންދީ ލަވައެއް ކިޔަމުން އެއަންނަނީ އަނެއްކާ ކޮން އުމުރެއްގެ ކާކުބާވައެވެ.
"ޔޭ ރާތު ޚުޝް ނަސީބުހޭ ޖޮ އަޕްނޭ ޗާނދްކޯ ކަލޭޖޭ ސޭ ލަގާކޭ ސޯރަހީހޭ…."
This night is lucky, as it is sleeping / Having taken the moon against its loftiness / Over here in a bed of pain / My desire is crying hiding her face in solitude / This night is lucky, as it is sleeping / Having taken the moon against its loftiness / Having gained a companion I lost you, what a fate I have / I have separated from you, / your memories are near me / You are in my devotion, / you are in my callings / You are in my prayers / This night is lucky, as it is sleeping / Having taken the moon against its loftiness / My nights won’t pass, my days won’t pass / All my dreams are incomplete , my life is incomplete without you / In dreams, in my eyes, in love’s arms / Come, I’ll hide you in my arms / This night is lucky, as it is sleeping / Having taken the moon against its loftiness / Over here in a bed of pain / My desire is crying hiding her face in solitude
ޖޯލިން ތެދުވެ އަހަރެން ހިނގައިގަތީ ސީދާ އަތިރިމަތިން ގޮނޑުދޮށަށް ފައިބާށެެވެ. އަޑު އަންނަ ދިމާލަށް މިސްރާބު ޖެހުމަށެވެ.
ހީވި ގޮޮތް ސީދާވިއެވެ. އަޑު ހުއްޓުނީ އަހަރެން ގޮނޑުދޮށުގެ ދޮންވެލިގަނޑު މަތީ އެޅި ފުރަތަމަ ފިޔަވަޅާއެކު ދިމާކުރިމަތިން އައިސް، މުޑި އެރުމާއެކުގައެވެ. ފަހަތަށް ސޮއްސާލުމާއެކު އެއްލި އަތުން އަހަރެން އެއަތުގައި ހިފީމެވެ. ބޭނުންވީ ކޮންއިރަކު ކަމެއް ހިތް އަޒުމު ކަނޑައެޅީ ކޮން ވަގުތަކު ކަމެއް ނޭނގެއެވެ. ގަސްދުކުރި އިރެއް ނިންމުން ނިންމުނު ގޮތެއްވެސް ނޭނގެއެވެ.
އަތާއިއަތް ގުޅުނީއެވެ. ނިތާނިތްޖެހި ހިތާހިތް ގުޅިލާމެހުނީއެވެ. އުނޑުގައި ރަނިކަން ކުރަމުން ދިޔަ ރޭގެ ފުރިހަމަ ސޯޅައިގެ ހަނދު ހިނިތުންވެލާފައި ކަފަވިލާކޮޅެއްގެ ފަހަތަށް ވަދެފައި ނުކުތުމާއެކު މުޅި ތަނަށް ވެރިިވި ރިހިއަލިން އަހަރެމެން ފެންވަރުވާލިއެވެ.
މައްސަލަތައް ފެންމަތިވިކަން ގައިމެވެ. އާއިލާތެރޭގައި ކުޗުކުޗު ލެއްވިކަމަކީ ހަގީގަތކެވެ. އެކަމަކު އަހަންނަށް ރީތިވާނީ އަހަންނަށް ރީތިވާ ރީއްޗެއް ތާއެވެ. އަހަންނަށް ކަމުދާނީ އަހަންނަށް ކަމުދާކަހަލަ ކަމުދިއުމެއްތާއެވެ. މަށަށް ލޯބިވެވޭވީ މަގޭ ލޯބިވާން އެދޭ ލޯތްބެއް ދެކެތާއެވެ.
ތެދަކާ ހަގީގަތަކާ އަހަރެންވެސް ދެކޮޅެއް ނުހަދަމެވެ. ފަސްއަހަރު ދޮށްޓެވެ. މައްސަލައަކީ ކޮބައިހެއްޔެވެ. އަހަންނަކަށް އެއަށްވުރެ ރީތި ދެވަނަ ދެއަންހެެނެއް ނެތެވެ. އެހެން ދެކައިވެންޏެއް ކޮށް އެއްކައިވެނިން ލިބުނު ދެކުދިން ބޮޑުވަނީއެވެ. އެހެންމީހުންނަށް ވާން ޖެހޭ އުނދަގުލެއް އޮންނާނެކަމަކަށް ގަބޫލެއް ނުކުރަމެވެ، ހަރަދުބަރަދުބަލަން ޖެހޭތީ އަހަރެން ނުވާ ކަންބޮޑުވުމެއް އެހެންމީހުން ވާން ޖެހޭނެކަމަކަށް ގަބޫލެއް ނުކުރަމެވެ.
ކޮންމެއަކަސް އަހަރެންގެ ހަޔާތުގެ ބަހާރުމޫސުމް ފެށުނީ އެ ހަނދުވަރީރޭގައި އިވުނު ރަންއަޑުގެ ވެރިޔާއާއެކުގައެެވެ.
އުމުރުން ދުވަސްވެ މާމަކާފަކުދިންކޮޅަށް ވާހަކަ ކިޔައިދީފައި އަދި ރޭތަކުގެ ނިމުން ކޮންމެވެސް އުފާވެރި ވާހަކަކޮޅަކުން ނިންމާލާއިރުވެސް ގާތުގައި އެކުއެކީގައިވުމަށެެވ
ކޮންމެ ވާހަކައެއްގެ މެދުތެރެ ހިތާމަވެރި ވެފައި ނިމުން ހަމަޖެހި އުފާވެރި އާ ފެށުމަކުން ނިމޭކަށް ނުޖެހެއެވެ. ނުވަތަ ކޮންމެ ވާހަކައެއް "އެންޑް ދެއި ލިވްޑް ހެޕިލީ އެވަރ އާފްޓާ" އަކުންވެސް ނިމޭކަށް ނުޖެހެއެވެ. އަހަރެންގެ ވާހަކައަކީ ހަގީގީ ވާހަކައެކެވެ. އެހެންކަމުން އަހަރެންގެ ވާހަކަ ނިމޭކަށް ނުޖެހެއެވެ. ނިމުނީ އަހަރެންގެ ހުސްހަށިބައި ޒިންމާއެއްނެތް އެކަނި ހުރި "ބެޗްލަރ"ގެ ވާހަކައެވެ. ޒަވާޖީ ހަޔާތުގެ ވާހަކަ އަދިކިރިޔާ މި ފެށުނީއެވެ. ކިތަންމެ ލޯބިން ހަމަޖެހިގެން އުޅުނަސް ދިރިއުޅުމަކަށްވީތީ މައްސަލަވެސް ޖެހޭނެއެެވެ. ދެމީހުން ދެބަސްވެސް ވާނެއެވެ. ދެފަރާތަށް އެނބުރި ނުރުހުންވެފައިވެސް ތިބޭނެއެވެ. ނުރުހުންވެގެން ވާހަކަނުދައްކައިވެސް ތިބެދާނެއެވެ. އިންސާނުންނަށް ވީތީއެވެ. ދެ ހަށިގަނޑެއްގައިވާ ދެސިކުނޑިއަކާއި ދެހިތެއްގެ ދެމީހުންކަމަށްވާތީއެވެ. ކިތަންމެ ލޯބިވިޔަސް މައްސަލަނުޖެހި ނުދާނެއެވެ. އެހެންނަމަވެސް އެމަައްސަލަތައް ހައްލުކުރެވޭނެއެވެ. ދެފަރާތަށް އެނބުރި ތިބެ މުޅި ރޭ ނިމިދާން ދެން ކޮންމެވެސް އެކަކު އިސްވެ އަތުގައި ހިފާ ގާތަށް ޖެހިނުލައި ނުތިބޭނެއެވެ. ހިޔާލުތަފާތުވެ ދެބަސްވުމެއްގެ ނިމުން ވަކިވުމަކަށް ވަރިވުމަކަށް ނުދާނެއެވެ. ސުލްހަކުރާނެއެވެ. ހައްލުނުކުރެވޭ ވަރުގެ މައްސަލައެއް ދިމާނުވާނެއެވެ.
އަހަރެމެންގެ ތޯހިރު ލޯތްބާއި މާތް ގުޅުން ކެނޑިބުރިވާވަރުގެ ވަރުގަދަ ގަދަފަދަ މައްސަލައެއް ނުޖެހޭނެއެވެ. މިއީ ސައްތައިން ސައްތަ ޔަގީންކަމެކެވެ.
އަހަންނާއި ނަންދާ ވައުދުވީ އެކުއެކީގައި އުމުރުން ދުވަސްވެ މާމަކާފަކުދިންކޮޅަށް ވާހަކަ ކިޔައިދީފައި އަދި ރޭތަކުގެ ނިމުން ކޮންމެވެސް އުފާވެރި ވާހަކަކޮޅަކުން ނިންމާލާއިރުވެސް ގާތުގައި އެކުއެކީގައިވުމަށެެވެ. މައްސަލަތަކާއެކުގައެވެ. ހަމަނުޖެހުންތަކާއި ހައްލުކުރުންތަކާއެކުގައެވެ، އެކަމަކު އެއްކަމަކުން ކާމިޔާބުވުމާއެކުގައެވެ. ދޭތެރެޖައްސަން އަންނަ ބަޔަކަށް ކާމިޔާބު ނުދޭނެކަން ޔަގީނެވެ. އެއްވެސް ހާލެއްގައި ވަކިވުމާ ހަމައަށް ދާވަރު ނުވާނެކަމުގެ ޔަގީންކަމެވެ.
މިހެން ވަންޏާ ދިރިއުޅުން ވެގެންދާނީ އިންތިހާއަށް ހަމަޖެހޭ ހެޔޮވަރު ދެފަރާތަށް ވެސް ހަމަހަމަ ވާފަދަ ގުޅުމަކަށެވެ. އަހަންނާއި ނަންދާގެ ގުޅުން ނަމޫނާއަކަށް ބަލާ ގިނަ އެކުވެރިން ތިބޭތީ އުފާކުރަމެވެ. އަހަރެމެންގެ ހަޔާތުގެ ވާހަކަ އަޑުއަހައި އޭގެ ބޭނުން ހިފާ ބަޔަކުވެސް އުޅެއެވެ. އަހަރެންގެވެސް ނަންދާގެވެސް ނަސޭހަތަކީ އެއްބަހެކެވެ.
"ﷲތައާލާގެ ހަޒުރަތުން ބަރަކާތާއި ވާާގި އެދިގެން ކުރެވޭ ނިިކާހަކަށް، ތިބާގެ ކައިވެނި ހަދާށެެވެ! އެކަލާނގެ އިރާދަފުޅާއި މިންވަރުފުޅުން އުފާވެރިކަމަށް އެދިގެން މަސައްކަތް ކުރާށެވެ. އެހެނީ ކައިވެންޏަކީ އެކަލާނގެ ހަޒުރަތުގައި ކައިވެންޏަކީ ނިހާޔަތަށް މާތްވެގެންވާ ގުޅުމެކެވެ!"
"ކޮންމެ ގުޅުމެއްވެސް ދާއިިމަށް ދެމިގެންދާނީ، އިތުބާރާއި ގަަަދަރާއެކު، އެކަކު އަނެކަކަށް ކަންކަމުގައި ދޫ ދީގެންނެވެ!"