ހުވަދޫ ރޯދަ ސުފުރާ: ރަވާ ޕުޑިން، ތަރާވީސްދަމަށް ވަރަށް ކަމުދާނެ!

ބޭނުންވާ ތަކެތި

• 6 ބިސް
• 1 ދަޅު ގެރިކިރު
• 1 ޖޯޑު ރަވާ
• 1 ގަބުޅި ( ގާނާފައި )
• 4/1 ޖޯޑު ހަކުރު
• 1 މަތިގަނޑު ވެނީލާ އެސެންސް
• 1 ޖޯޑު ފެން
• 2 މޭޒުމަތީ ސަމުސާ ހަކުރު ( ރަތްކުރުމައް )

ތައްޔާރުކުރާނެ ގޮތް

ފުރަތަމަ މިކްސަރަށް ގަބުޅިއާއި، ބިހާއި، ކިރު ، ފެން، އަދި އެސެންސް، އެއްކޮށް އަޅާފައި ރަވާވެސް އެއްކޮށްލާށެވެ.

ދެން ރަނަގަޅަށް ގިރާލާށެވެ.

ޓްރޭއަށް 2 މޭޒުމަތީ ސަމުސާ ހަކުރުއަޅާފައި އުނދުންމައްޗަށް އުދާލާފައި ހަކުރުކޮޅު ރަތްކޮށްލާށެވެ.

ގިރާފައި ހުރި ބައި ޓްރޭއަށް އަޅާފައި އަވަނުން ފިހެލާށެވެ. ނުވަތަ އާވިން ކައްކާލާށެވެ.