ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ)ގެ މި ވަގުތު ގެ އަދާހަމަ އަށް ބަލާއިރު ކުންފުނިން ކުރަމުންދާ މަސައްކަތްތައް ދަނީ ވަރަށްބާރު ސްޕީޑްގައި ކުރިއަށެވެ.
އެގޮތުން ކުރީގެ ސަރުކާރުން މަސައްކަތް ފެށުމަށް ފަހު، ފަހުން އެއްވެސް މަސައްކަތެއް ނުކޮށް ހުއްޓިފައި އޮތް މަގު ހެދުމުގެ މަޝްރޫއުތަކުގެ ތެރެއިން އާރުޑީސީން އަލުން މަސައްކަތް ފެށި 17 ރަށުގެ ތެރޭގައި ހިމެނޭ ދ ކުޑަހުވަދޫ އާއި މ މުލަކުގެ މަގުތައް ޒަމާނީ ފެންވަރަށް ހެދުމުގެ މަޝްރޫއުގެ މަސައްކަތް ކުރިއަށްދާ ކަމަށް އެ ދެ މަޝްރޫއުގެ ކޮންޓްރެކްޓަރު އަރްޑީސީ އިން ބުނެއެވެ.
އާރުޑީސީން ބުނީ ކުޑަހުވަދޫ ފަރީދީ މަގުގައި ސްޓޯމް ވޯޓާ ނެޓްވޯކް އެޅުމަށް މަގު ކޮނުމުގެ މަސައްކަތް ކުރިއަށްދާ ކަމަށެވެ. އަދި ކުރިވާ ހިނގުމުގައި ޓްރީ ޕިޓް ފިނިޝިންގެ މަސައްކަތް ވެސް ކުރިއަށްދާ ކަމަށް ސަރުކާރު ކުންފުނި އާރުޑީސީ އިން ބުނެއެވެ.
މުލަކު މަގު ހެދުމުގެ މަޝްރޫއުގެ ދަށުން އެ ރަށު ހުސޭނީ މަގުގައި ކޭބަލް ޖަންކްޝަން ހުރަސް ހޮޅި އެޅުމާއި ބެކް ފިލިން އަދި ސާފުކުރުމުގެ މަސައްކަތް ކުރިއަށްދާއިރު، ޗާންދަނީ މަގުގައި ސްޓޯމް ވޯޓާ ޓޭންކް ބެހެއްޓުމަށް މަގު ކޮނުމުގެ މަސައްކަތް ވެސް ދަނީ ކުރިއަށެވެ.
މީގެ އިތުރުން އަމީނީމަގުގައި ސްޓޯމް ވޯޓާ ޓޮޕް ލެވެލް ކާސްޓް ކުރުމުގެ މަސައްކަތް ކުރިއަށްދާ ކަމަށް ވެސް އާރުޑީސީން ބުންޏެވެ.
މި ސަރުކާރުން ދަނީ ކުރީ ސަރުކާރުން ކުންފުނި ތަކުން ކުރަމުން ދިޔަ މަސައްކަތް އެގޮތް މިގޮތުން ހުއްޓި ވަޅު ޖެހިފައި ހުރި މަސައްކަތް އަލުން ފަށައި ބާރު ސްޕީޑުގައި މަސައްކަތް ކުރަމުންނެވެ.
އާރުޑީސީ އަކީ ރާއްޖޭގެ ރަށް ރަށުގެ މަގު ތައް ހެދުމަށް މިހާރު އެންމެ ގިނަ މަސައްކަތްތަކެއް ކުރަމުންދާ ކުންފުންޏެވެ.