ރޯދަ މަހަކީ އާންމުގޮތެއްގައިވެސް ރޭގަނޑުގެ ކެއުން އިތުރުވާ މަހަކަށްވާތީ ގިނަ ފަރާތްތަކުގެ ހަށިގަނޑަށް ބޮޑު ބަދަލުތަކެއް ގެނެސްދޭ މަހެކެވެ. ކިތަންމެ ބަލައިގެން އުޅުނުކަމުގައި ވިޔަސް ދުވާލުގެ ވަގުތު ނުކައި ހުރުމަށްފަހު ކާން ލިބޭ ރޭގަނޑުގެ ލަސްގަޑީގައި ރަހަމީރު ކާތަކެއްޗާ ދުރުވުން ފަސޭހައެއް ނޫން ކަން ގައިމެވެ.
އެހެންކަމުން ދިމާވާ ދެރަ ކަމަކީ ބަރުދަން އިތުރުވެ ބަނޑުގައި އިތުރަށް މަސް ޖަހައި ސަރުބީ ޖަހައި ފަލަ ވަނީއެވެ. މިއީ އަވަހަށް ސަލާމަތް ނުވެވިއްޖެނަމަ ފަހުން ސަލާމަތްވާން އެތައް އުނދަގުލަކާއި ވަގުތަކާއި ހޭދައެއްވެސް ކުރަން ޖެހޭ މައްސަލައެކެވެ.
ރޯދަމަހުގެ ރޭގަނޑު ބޭނުންކޮށްލުމަށް ފައިދާ ހުރި ހަށިގަނޑަށް ލުއިކޮށްލަދޭ ބަނޑުހަރުވުމުން ދުރުކޮށް، ބޮޑުކަމު ދިއުން ފަސޭހަ ކޮށްދީ، ގޮހޮރު ސާފުކޮށްލުމާއެކު ބަނޑު ހިންދައި ބަަރުދަން ލުއިވެދާނެފަދަ ބުއިމެއް ތައްުޔާރުކޮށްލަން ހިނގާށެވެ.
"ގްރީނީ ޑްރިންކް، ބަނޑުހަރުވުމުން ދުރުކޮށްލަދޭ ސަރުބީވިރުވައި ބަނޑުހިންދާލަދީ ބަރުދަން ލުއިކޮށްލަދޭނެ
ބޭނުން ވާ ތަކެތި:
- ފެހި އާފަލެއް
- 1/2 ކިއުކަންބާ
- 1 ސެލެރީ ސްޓޯކް
- ސްޕިނެޗް ކޮޅެއް
- އިނގުރު ދޭތިކޮޅު
- 1/2 1 ތަށި ފެން
ތައްޔާރު ކުރާނެ ގޮތް
އާފަލާއި ކިއުކަންބާ ، ސެލެރީ ކޮށާފައި ބްލެންޑަރަށް އަޅާށެވެ. އިނގުރާއި ސްޕިނެޗް އަދިި ފެން އަޅައި ހުރިހާ އެއްޗެއް ރަނގަޅަށް އެއްކޮށްލާށެވެ.
މިކްސްޗަރުގައި ރަނގަޅަށް މިކްސް ކުރުމަށްފަހު ތަށްޓަކަށް އަޅާށެވެ!
ކޮންމެ ހެނދުނަކު ތަށްޓެއް ބުއިން އާދަކޮށް ލާށެވެ
މިއީ މުޖައްރިބު ފަރުވާއެކެވެ. ޔަގީނުން ވެސް ރަނގަޅު ނަތީޖާއެއް ފެންނާނެއެވެ.
މިތަކެތީގެ ފައިދާ ތައް
ކިއުކަމްބާގައި ވިޓަމިން އޭ، ވިޓަމިން ސީ އަދި ފޮލިކް އެސިޑް އެކުލެވިގެންވާއިރު، އާފަލަކީ ހަޖަމުކުރުމަށް ނުހަނު ބޮޑަށް އެހީތެރިވެދޭ މޭވާއެކެވެ. މުޅި ހަށިގަނޑު ޑިޓޮކްސިފައި ކުރުމާއި ހަށިގަނޑަށް ބޭނުންވާ ހަކަތަ އަދި ނަފުސާނީ ގޮތުން ދުޅަހެޔޮކޮށް ހުރުމަށް ބޭނުންވާ ހަކަތަ ވެސް ހަށިގަނޑަށް ނަގައި ދިނުމުގައި ކިއުކަމްބާއާއި އާފަލު ފުދެއެވެ. ތާޒާ ކިއުކަމްބާ އާއި އާފަލުން ތައްޔާރު ކުރާ ޑީިޓޮކްސް ބުއިންތައް އެއީ ހަށިގަނޑަށް އެންމެ ތާޒާކަން ގެނެސްދިނުމާކު ބަނޑުހަރުވުމުން ދުރުކޮށް، ބޮޑުކަމު ދިއުން ފަސޭހަކޮށްދިނުމާއެކު، ގޮހޮރު ސާފުކޮށްލައިދޭ ބަނޑުހިންދުމާއެކު ބަރުދަން ލުއިކޮށްލަދޭ ބުއިންތައްކަމަށް ދިރާސާތަކުން ވަނީ ސާބިތުކޮށްދީފައެވެ.
ކިއުކަމްބާ އަކީ ބަރުދަން ލުއިކޮށްދިނުމަށް އެހީތެރިވެދޭ ނިއުޓްރިއެންޓްސް އިން މުއްސަނދި ބާވަތެކެވެ މިއީ އެންޓިއޮކްސިޑެންޓްސް އާއި ޒަރޫރީ ވިޓަމިންތަކާއި ދުޅަހެޔޮ ދިރިއުޅުމަކަށް އެހީތެރިވެދޭ އެހެނިހެން ފައިދާހުރި ކޮމްޕައުންޑްތަކުން މުއްސަނދި ބާވަތެއްވެސް މެއެވެ. ކަންމިހެން އޮތުމާއެކު މިއީ ބަނޑުގައި ޖަހާ ބޭކާރު ސަރުބީ މަސްތަކުން ސަލާމަތް ކޮށްލަދީ ބަނޑު ހިންދުމަށް އެހީތެރިވެދެއެވެ.
ކިއުކަމްބާގައި ހުންނަ ހުރިހާ ފެނަކީ ވެސް ހައިޑްރޭޓްކޮށް ބެހެއްޓުމަށް އެހީތެރިވެދޭ އެއްޗެކެވެ. މީގެ އިތުރުން އެއިން ލިބޭ ފައިބަރ ބޫސްޓްގެ ސަބަބުން ހަމަގޮތެއްގައި ދެމިހުރުމަށް އެހީތެރިވެދީ ކެއުން ވަކިމިނެއްގައި ހިފަހައްޓައި ބަނޑުހައިވުމުން ދުރުކޮށްލަދެއެވެ. އަދި މީގައި ހިމެނޭ ވިޓަމިން ކޭ ގެ ސަބަބުން ލޭ ގަނޑުވެ ކަށިތައް ދުޅަހެޔޮކޮށް ބެހެއްޓުމަށް އެހީތެރިވެދެއެވެ. ވިޓަމިން އޭ ގެ ސަބަބުން ލޮލުގެ ފެނުމާއި ދިފާއީ ނިޒާމާއި ރިޕްރޮޑަކްޝަނަށް އެހީވުން ފަދަ އެތައް މަސައްކަތެއް ކުރެއެވެ.
ކޮންމެ ދުވަހަކު ކިއުކަމްބާ ޑިޓޮކްސް ފެން ބުއިމަކީ ބަނޑުގައި ހުންނަ ސަރުބީ މަސްތައް ވިރުވައި، ބަނޑު ހިންދުމާއެކު ބަރުދަން ލުއިކުރުމުގެ ލަނޑުދަނޑިތައް އަވަހަށް ހާސިލްކުރުމަށް އެހީތެރިވެދޭނެ ކަމެކެވެ.
އާފަލަކީވެސް ފައިބަރުން މުއްސަނދި މޭވާއެކެވެ، ހާއްސަކޮށް ފެހި އާފަލެވެ. މިއީ ދުޅަހެޔޮ ސިއްހަތަކަށް މަގުފަހިވެ، އޮބެސިޓީ އާއި ބެލީ ފެޓް ޕައިލްއަޕް ވުމުގެ ފުރުސަތު ކުޑަކޮށްދޭ މޭފުރަމޭގެ ސަރުބީއިންވެސް ރައްކާތެރިކޮށްދެއެވެ. އާފަލުގައި ސިއްހަތަށް ފައިދާހުރި ފްލެވޮނޮއިޑްސް އާއި ފައިބަރުތައް އެކުލެވިގެންވާ އިރު މިއީ ބަނޑުގެ ފެޓް އަންދާލުމަށް އެހީތެރިވެދޭ އެއްޗެކެވެ.
ޑިޓޮކްސިފައި ޖޫސް ތައްޔާރުކުރުމުގައި ގިނަ ބަޔަކު ސެލެރީ ބޭނުންކުރަނީ ސެލެރީގައި ކެލޮރީސް، ފެޓްސް އަދި ހަކުރު މަދު ކަމަށްވާތީއެވެ. ހަމައެހެންމެ ސެލެރީއަކީ ފައިބަރ އަދި އެންޓިއޮކްސިޑެންޓްސް ރަނގަޅު ވަސީލަތަކަށް ވާތީވެ، ބަނޑުގެ ފެޓް ލުއިކޮށްދޭދިނުމުގައި އެހީތެރިވެދެއެވެ..
ދެން މި އޮތީ މި ތައްޔާރުކުރަން އުޅޭ ބުއިމަށް އަޅާ އިނގުރާއި ސްޕިނެޗް ގެ ވާހަކައެވެ.
އިނގުރަކީ ސިއްޙީ ގޮތުން ގިނަ ފައިދާތަކެއް ކޮށްދޭ އެއްޗެކެވެ. އިނގުރު ކެއުމަކީ ހަށިގަނޑުގައި ފެޓް މެޓަބޮލިޒަމް އިތުރުކުރުމާ ގުޅިފައިވާ ކަމެކެވެ. ހަމައެހެންމެ ހަށިގަނޑުގައި ފެޓް ދަށްކުރުމަށް ވެސް މަގުފަހިކޮށްދޭއިރު، އިނގުރު ކެއުމުން ހަށިގަނޑުގައި ފެޓް ސްޓޯރޭޖް މަދުކޮށްދީ، ހަށިގަނޑުގެ ބަރުދަން އިސާހިތު ދަށްކޮށްލައެވެ.
ދެން ސްޕިނެޗް އަކީ ކިހިނެއް ކޮންގޮތަކުން އެހީވާ ފެހި ފަތެއް ތޯ ބަލާލަމާ ހިގާށެވެ.
ސްޕިނެޗަކީ ކެލޮރީ މަދު ތަރުކާރީއެކެވެ. މިއީ ފެނުގެ މިންވަރު ގިނަ އަދަދަކަށް އެކުލެވިގެންވާ އެއްޗެކެވެ. ފައިބަރުގެ މާއްދާގެ ސަބަބުން ހަޖަމުވެ، ނިއުޓްރިއެންޓްސް ހިފެހެއްޓުމަށް އެހީތެރިވެދެއެވެ. ސްޕައިނެޗަކީ ބަނޑުގެ ފެޓް ދަށްކޮށްދޭ އަދި ވަރަށް ނިއުޓްރިޝަނަލް އެއްޗެކެވެ. ކިތަންމެ ވަރަކަށް ކެޔަސް ހަށިގަނޑުގެ ބަރުދަން އިތުރެއް ނުވާނެއެވެ.