ބޭނުންވާ ތަކެތި:
- 5 މާޅޮސްކެޔޮ
- ހިކިމަސް (ތުނިކޮށް ކޮށާފައި)
- 1 ފިޔާ
- ހިކަނދިފަތް
- ރާނބާފަތްކޮޅެއް
- 2 ސައިސަމުސާ ޓޮމާޓޯ ޕޭސްޓް
- 2 މޭޒުމަތީ ސަމުސާ ކޮތަނބިރި
- 1 މޭޒުމަތީ ސަމުސާ ދަވިއްގަނދު
- ½ މޭޒުމަތީ ސަމުސާ ދިރި
- ½ މޭޒުމަތީ ސަމުސާ އަސޭމިރުސް
- 5 ހިކި މިރުސް
- ސަމުސަލެއްގެ ތުނޑަށްނެގޭ ވަރުގެ ކުޑަ ރީނދޫކޮޅެއް
- ބައި ޖޯޑު ބޯކިރު
- ލޮނު
- ½ ސައިސަމުސާ ހަކުރު
- ތެޔޮ
- ބައި ޖޯޑު ފެން
ތައްޔާރު ކުރާނެ ގޮތް:
ތަވައަކަށް ކޮތަނބިރިކޮޅާއި އަސޭމިރުސްކޮޅު އަޅައި ކުޑަކޮށް ފުމެން ފެށީމައި ދަވިއްގަނދާއި މިރުސްކޮޅު އަޅައިމިނެޓެއް ދެމިނެޓެއްހާއިރު މަޑުގިނީގައި ހޫނުކޮށްލުމަށްފަހު އެއަށް ދިރިކޮޅު އަޅައި މިނެޓެއްހާއިރު މަޑުގިނީގައި ރަތްވަންދެން ކައްކާށެވެ، ދެން އުނދުން ނިވައިލުމަށްފަހު މިހުރިހާ ތަކެއްޗެއް ކުޑަކޮށް ހިހޫ ވަންދެން ބަހައްޓާށެެވެ. އެއަށްފަހު ކަރަންޓު މިކްސަރުގައި އެއްކޮށް މުގުރާލާށެވެ.
މާޅޮސްކެޔޮކޮޅު މަށާލުމަށްފަހު ފޮއްޗެއްގައި އިންޗިއެއްގެ ބޯމިނުގައި، ފެންއެއްޗަކަށް ކޮށާލުމަށްފަހު ފެންއެތީގައި ގާތްގަނޑަކަށް ދިހަވަރަކަށް މިނެޓު ބަހައްޓާލުމަށްފަހު މާޅޮސްކެޔޮކޮޅު ފުރާނައި ފެންހިއްކާލާށެވެ.
ތެޔޮކޮޅުރަނގަޅަށް ހޫނުވުމުން މާޅޮސްކެޔޮކޮޅު އަޅައި ތެލުލާ ނިމުމުން މާޅޮސްކެޔޮކޮޅު ރަނގަޅަށް ފުރާނާލާށެވެ.
ފިޔައާއި ރާނބާފަތާއި ހިކަނދިފަތްކޮޅު އަޅައި ފިޔާކޮޅު މީރުކޮށްލުމަށްފަހު ދެން އޭގެ ތެރެއަށް ކުރިން މުގުރި ހަވާދާއި މާޅޮސްކޭލާއި ޓޮމާޓޯ ޕޭސްޓާއި ލޮނާއި ހަކުރާއި ރީނދުލާއި ބޯކިރާއި ފެންކޮޅާއި ހިކިމަސްކޮޅު އަޅާލާ ރަނގަޅަށް އެއްކޮށްލާށެވެ. ތެލީގައި މަތިޖަހާ ގިނި މަޑުކޮށްލުމަށްފަހު 5 ވަރަކަށް މިނެޓު ވަންދެން ކައްކާލާށެވެ. ރިހަ މާހިކިހެން ހީވާނަމަ އިތުރު ފެންކޮޅެއް އަޅާލައި ރަހަ ހެޔޮވަރު ކޮށްލާށެވެ.
މިއީ ހަމަ ޔަގީނުންވެސް ދިވެހިވަންތަ ޒަމާންވީ ހަނދާންތަކެއް އާކޮށްލަދޭނެ ރަހައަކަށްނޫނީ ނުވާނެއެވެ. އިހުގައި ރަށްފުށުގައި އުޅެފައި ހުރި ފަރާތަކަށްނަމަ މިއީ ހަނދާންތަކެއްގެ ރަހައެއްކަން ޔަގީނެވެ، ނުވަތަ ކޮންމެ ތަނެއްގައިވެސް އަށްޑިހައިގެ ނުވަދިހައިގެ ހަނދާން އާކޮށްލަދޭނެ ރަހައެއްކަން ގައިމެވެ. އެޒަމާން ނުފެންނަ މިހާރުގެ ދިވެހިިދަރިންނޭވެ، މިއީ އޭރުގެ އެންމެ މީރު ކެއުންތަކުގެ ތެރެއިން ކެއުމެކެވެ. ބަތާއެކުގައިވެސް ރޮށްޓާއެކުގައިވެސް އަދި ފެންފޮޅިއާއެކުވެސް ހަމަ އެހާ މީރުވާނެއެވެ،