ިޒިނޭފަދަ ބޮޑެތި ފާފަތަކުންނާއި ފާޙިޝް ކަންތައްތަކުން ދުރުހެލިވުމަށް ހުކުރު ހުތުބާގައި ގޮވާލައްވައިފިއެވެ.
ހުތުބާގައި ބުނެފައިވަނީ ފާޙިޝް ވާހަކަތައް ދެއްކުމާއި އެފަދަ މަންޒަރުތައް ނުބެލުމަށާއި، ފުރިހަމަގޮތުގައި ލަދުވެތި ގުނަވަނަށް ރައްކާތެރި ކުރުމަށެވެ. އަދި ބޭކާރު ކަންތަކުން ދުރުހެލިވުމާއި، ޙަޤީޤަތާ ދުރު ކަންކަމުގައި މަޝްޣޫލުވެއޫލުވެ ނޫޅުމަށެވެ.
މުދަލުން ކަނޑައެޅިގެންވާ މިންވަރު، ޒަކާތުގެ ބެހެނިވެރިންނަށް ނެރުމަށް ވެސް ހުތުބާގައި ގޮވާލައްވާފައި ވެއެވެ.
މިކަންކަން ދުނިޔެ މަތީގައި ފުރިހަމަ ކުރުމަށާއި، އެހެންނޫންނަމަ އެމީހަކަށް ޤިޔާމަތް ދުވަހުން ޢަޛާބު ގިނަގުނަ ކުރައްވާނެ ކަމަށެވެ. ކައްވަޅުގެ އަޒާބުން ދުރުވުމާއި ގިޔާަމަތްދުވަސް ހެޔޮގޮތުގައި ލިބިގަތުމައްޓަކާއި، މިކަންކަނ ދުނިޔެމަތީގައި ގިނައިން ކުރުމަށްވެސް ހުތުބާގައި ބުނެފައި ވެއެވެ.
ހުތުބާގައި އިތުރަށް ފާހަގަ ކޮށްފައިވަނީ ފާފަކުރާއަޅުން އިހާނެތެރިކަން ލިބިގެންވާ ޙާލު، ދުނިޔެ މަތީގައި އެ ޢަޛާބު ގެ ތެރޭގައި، އެމީހަކު ދެމިހުންނަން ޖެހޭ ކަމަށެވެ.
އެފަދަ ޢަމަލުތައް ކޮށްއުޅޭ މީހާ މާތް ﷲ ގެ މަގަށް ރުޖޫޢަވެ ތައުބާވާން ޖެހޭ ކަމަށްވެސް ހުތުބާގައި ވަނީ ބުނެފައެވެ.
ކޮންމެ މީހަކީވެސް ކޮންމެވެސް ސިފައެއްގައި އަމާނާތެއް ޙަވާލުވެފައިވާ މީހެއް ކަމަާާއި، އަމާނާތަކީ ހަމައެކަނި ތިބާގެ އަތަށް މީހަކު ރައްކާކުރަންދޭ ފައިސާއެއް އެކަނި ނޫން ކަމަށެވެ. އަމާނާތުގެ ވައްތަރުތައް ގިނަކަން ފާހަގަ ކުރައްވާ ބުނެފައިވަނީ އެންމެ މުހިއްމު އަމާނާތަކީ މާތް ﷲ ޙަވާލުކުރައްވާފައިވާ އެކަލާނގެ ފަރުޟުތައް ކަމަށެވެ. ފަރުޟު ފަސް ނަމާދާއި، ޒަކާތާއި ރޯދައާއި ޙައްޖު ހިމެނޭއިރު ދެވަނަ ވައްތަރަކީ އަޅުތަކުންނާއި ގުޅިފައިވާ ޙައްޤުތައް ކަމަށެވެ.
އޭގެ ތެރޭގައި ވަޒީފާއެއްގައި އުޅޭނަމަ ވަޒީފާގެ މަސްއޫލިއްޔަތު ފުރިހަމައަށް އަދާކުރުމާއި، މީސްތަކުންގެ މުދަލަށާއި ސިއްރުތަކަށް ރައްކާތެރިވުމަކީވެސް އަމާނާތެއް ކަމަށެވެ. ރަސޫލާ ޙަދީޘް ކުރައްވާފައިވާ ފައދައިން އަމަލުތައް ކުރުމަށްވެސް ހުތުބާގައި ބުނެފައި ވެއެވެ.
ހާއްސަކޮށް ނަމާދު ތަކަށް ރައްކާތެރިވމަށާއި، ފަސް ނަމާދު އޭގެ ވަގުތުގައި އަދާކުރުމެވެ. މިއާޔަތްތަކުގައި ނަމާދުގެ ވާހަކަ ތަކުރާރުވުމުން އެނގެނީ ނަމާދަށް ދެވިފައިވާ އަހައްމިއްޔަތުކަން ކަމަށެވެ. މިކަނތައްތަކަށް ތަބާވެއްޖެ މީހަކީ ފަލާޙާއި ކާމިޔާބު ލިބިއްޖެ މީހެއް ކަމަށެވެ. އެފަދަ މީހުންނަކީ ސުވަރުގޭގެ ވާރުތަވެރިން ކަމަށް ކަމަށްެވެސް ހުތުބާގައި ބުނެފައިވެ.